TDP BJP : టీడీపీ తో పొత్తు ఉందా లేదా ? క్లారిటీ ఇవ్వని బీజేపీ

టిడిపి, జనసేన పార్టీలు పొత్తు పెట్టుకున్న నేపథ్యంలో రెండు పార్టీలు సీట్ల సర్దుబాటు విషయమై ఇప్పటికే చర్చించుకున్నాయి.

అభ్యర్థుల ప్రకటన చేసేందుకు సిద్ధమవుతున్న సమయంలో బిజెపి నుంచి టిడిపికి వర్తమానం రావడంతో,  హుటాహుటిన చంద్రబాబు( Chandrababu Naidu ) ఢిల్లీకి వెళ్లారు.

బిజెపి కూడా తమతో కలిసి వచ్చేందుకు సిద్ధమవుతుందనే సంకేతాలు వెలువడటంతో అభ్యర్థుల జాబితా ప్రకటనను టిడిపి,  జనసేనలు వాయిదా వేసుకున్నాయి.కేంద్ర హోం మంత్రి అమిత్ షా తో( Amit Shah ) టిడిపి జాతియ అధ్యక్షుడు చంద్రబాబు పొత్తుల అంశంపై చర్చించారు.

ఇక తర్వాత వైసీపీ అధినేత ఏపీ సీఎం జగన్( CM Jagan ) ఢిల్లీకి వెళ్లడం,  ప్రధాని మోదీతో( PM Modi ) చర్చించడం జరిగాయి.అయితే జగన్ ఏ అంశాలపై ప్రధాని మోది తో చర్చించారో తెలియదు గాని,  టిడిపితో పొత్తు విషయంలో బిజెపి తమ నిర్ణయాన్ని ఇంకా ప్రకటించలేదు.

దీంతో బీజేపీ( BJP ) పొత్తుల విషయంలో ఏ నిర్ణయం తీసుకుందో తెలియక టిడిపి జనసేనలు సందిగ్ధం లో పడ్డాయి.బిజెపిని కాదని తమ పార్టీ తరఫున పోటీ చేయబోయే అభ్యర్థుల జాబితాను ప్రకటిస్తే బిజెపి అగ్ర నేతల ఆగ్రహానికి గురికావాల్సి వస్తుందనే భయమూ రెండు పార్టీల అధినేతల్లో కనిపిస్తోంది.