ఈ నెల 7న హైదరాబాద్ లో జరిగే బహుజన సమాజ్ పార్టీ తెలంగాణ భరోసా సభ( Telangana Barosa Sabha )కు వేలాదిగా తరలివచ్చి విజయంతం చేయాలని బీఎస్పీ కోదాడ నియోజకవర్గ ఇంచార్జి పిలుట్ల శ్రీనివాస్ పిలుపునిచ్చారు.సోమవారం కోదాడ మండల కేంద్రంలో తెలంగాణ భరోసా సభ గొడ పత్రికలను ఆవిష్కరించిన అనంతరం ఆయన మాట్లాడతూ రాష్ట్ర ముఖ్యమంత్రి కేసీఆర్( CM KCR ) పాలన పూర్తిగా విఫలమైందన్నారు.
గడిచిన 9 ఎండ్లలో అన్ని వర్గాల ప్రజలను కేవలం గొర్రెలు,బర్రెలకే పరిమితం చేస్తూ బహుజనలను మోసం చేస్తూ,నాణ్యమైన విద్య,వైద్యానికి మనల్ని దూరం చేస్తున్నారని ఆరోపించారు.తెలంగాణ భరోసా సభకు బహుజన సమాజ్ పార్టీ( bahujana Samaj Party ) జాతీయ అధ్యక్షురాలు బెహంజీ కుమారి మాయావతి రానున్నారని,కేసీఆర్ పాలనలో మోసపోయిన తెలంగాణ ప్రజలకు భరోసా కల్పించేందుకు ఈ సభ ఏర్పాటు చేసినట్లు తెలిపారు.
ఈ కార్యక్రమంలో బీఎస్పీ మండల అధ్యక్షులు నేలమర్రి శ్యామ్, ఉపాధ్యక్షురాలు మంజుల, నియోజకవర్గ కార్యవర్గ సభ్యులు శ్రావణ్,సురేష్, గోపాలకృష్ణ,తరుణ్ తదితరులు పాల్గొన్నారు.
