Bjp: బీజేపీ వ్యూహం అర్థం కాక ఏపీ పార్టీల గందరగోళం 

ఏపీ విషయంలో బిజెపి ( bjp )వ్యూహం ఏమిటో ఎవరికి అర్థం కావడం లేదు.

 ఏపీలో బీజేపీకి సొంతంగా ఒక్క సీటు గెలుచుకునే అంత బలం లేకపోయినా,  ప్రధాన పార్టీలుగా ఉన్న వైసిపి , టిడిపి ,జనసేన( YCP, TDP, Janasena ) లను తమ గ్రిప్ లో పెట్టుకోవడంలో సక్సెస్ అయ్యింది.

ఏపీలో ఏ పార్టీ గెలిచినా,  తప్పకుండా బీజేపీ కి మద్దతు ఇవ్వాల్సిన  పరిస్థితిని సృష్టించింది.ఏపీలో టిడిపి అధికారంలోకి వచ్చినా,  వైసిపి వచ్చినా,  కేంద్రంలో బిజెపికి మద్దతు పలకాల్సిన పరిస్థితి నెలకొంది.

ఏపీలో ఏ పార్టీ బీజేపీ ని వ్యతిరేకించలేని పరిస్థితి.  ప్రస్తుత అధికార పార్టీ వైసిపి పరోక్షంగా బిజెపికి అన్ని విషయాలలోనూ సహకారం అందిస్తుండగా , టిడిపి, జనసేన లు సైతం బిజెపిని వ్యతిరేకించే పరిస్థితి లేదు.

వచ్చే ఎన్నికల్లో టిడిపి అధికారంలోకి వచ్చినా,  ఎక్కువ ఎంపీ స్థానాలను గెలుచుకున్నా , ప్రస్తుతం వైసీపీ మాదిరిగానే బిజెపికి సహకారం అందించాల్సిందే.