అనుష్క( Anushka ) తెలుగు సినిమా ఇండస్ట్రీకి జేజమ్మగా, అరుంధతిగా, బొమ్మాలిగా ఆమె స్థాయిని సుస్థిరం చేసుకుంది.అనుష్క నటిస్తుంది అంటే ఖచ్చితంగా ఆ సినిమాలో ఏదో మ్యాటర్ ఉండే ఉంటుంది అనే స్థాయిలో ఆమె తన స్టార్ డం ని పెంచుకుంటూ వెళ్ళింది.
హీరోలకు దీటుగా పాన్ ఇండియా వ్యాప్తంగా లేడీ ఓరియంటెడ్ సినిమాలు తీస్తూ నెంబర్ వన్ హీరోయిన్ గా దాదాపు దశాబ్దం పాటు ఏకచత్రాధిపత్యం చేసింది.కొన్నేళ్ల పాటు వెనక్కి చూస్తే అనుష్క లేని సినిమా లేదు అలా ఉండే పరిస్థితి జీరో సైజ్ సినిమా తర్వాత పూర్తిగా మారిపోయింది.
ఇక కొన్నేళ్లపాటు సినిమా ఇండస్ట్రీకి దూరంగా కూడా ఉండాల్సి వచ్చింది జేజమ్మ.
ప్రస్తుతం నవీన్ పోలిశెట్టి హీరోగా మిస్ శెట్టి మిస్టర్ పోలిశెట్టి సినిమా( Miss Shetty is Mr.Polishetty’s movie ) హిట్ కావడంతో మరోమారు అనుష్క పేరు ఇండస్ట్రీ మొత్తం టాక్ ఆఫ్ ది టౌన్ గా మారింది.నవీన్ హీరోగా కామెడీ ప్రధాన పాత్రలో వచ్చిన ఈ చిత్రం అభిమానులకు బాగా నచ్చింది.
ఇక అనుష్క నవీన్ నటించిన ఈ సినిమా యూవీ క్రియేషన్స్ బ్యానర్( UV Creations Banner ) పై తెరకెక్కడం విశేషం ఈ బ్యానర్ లో అనుష్క నటించిన మూడవ సినిమా కావడం కూడా మరొక విశేషం.అంతేకాదు ఐదేళ్లకొకసారి యూవీ క్రియేషన్స్ బ్యానర్ లో నటిస్తూ వచ్చిన అనుష్క ప్రస్తుతం హ్యాట్రిక్ విజయాలను సొంతం చేసుకుంది.
మొట్టమొదటిగా 2013లో ఈ బ్యానర్ పై మిర్చి అనే సినిమాలో అనుష్క నటించింది.ప్రభాస్, అనుష్క నటించిన ఈ సినిమా బంపర్ హిట్ అయింది.ఆ తర్వాత దాదాపు 5 ఏళ్ల కు 2018 లో భాగమతి అనే సినిమాతో లేడీ ఓరియంటెడ్ సినిమాలో నటించింది అనుష్క.ఇదే బ్యానర్ పై వచ్చిన ఈ చిత్రం మంచి విజయాన్ని సాధించింది.
మరోమారు ఇదే బ్యానర్ పై మిస్ షెట్టి మిస్టర్ పోలిశెట్టి రావడం హిట్టు కొట్టడం జరిగిపోయాయి.దాంతో యూవీ క్రియేషన్స్ కి ఐదేళ్ల ఒకసారి హిట్ ఇచ్చిన యాక్ట్రెస్ గా, పైగా మూడు చిత్రాలు హిట్టు కొట్టడంతో హ్యాట్రిక్ కూడా తన ఖాతాలో వేసుకుంది.
ఇలా ఈ బ్యానర్ కి అనుష్క బాగా కలిసి వచ్చింది.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
