అందాల భామ అనుష్క నటించిన తాజా చిత్రం నిశబ్ధం ఎప్పుడెప్పుడు రిలీజ్ అవుతుందా అని ప్రేక్షకులు ఆసక్తిగా ఎదురుచూస్తున్నారు.ఈ సినిమా ఫస్ట్ లుక్ మొదలు, టీజర్ వరకు ప్రేక్షకుల్లో మంచి అంచనాలు క్రియేట్ అయ్యాయి.
ఇక ఈ సినిమా ఔట్ అండ్ ఔట్ సస్పెన్స్ థ్రిల్లర్గా తెరకెక్కుతుండటంతో భాగమతి లాగా ఇది కూడా సూపర్ సక్సెస్ కావడం ఖాయమని ప్రేక్షకులు అంచనా వేస్తున్నారు.వారి అంచనాలను నిజం చేస్తూ ఈ సినిమా ట్రైలర్ను చిత్ర యూనిట్ తాజాగా రిలీజ్ చేశారు.
ఈ సినిమాలో అనుష్క ఓ మూగ, చెవిటి అమ్మాయిలా మనకు కనిపిస్తుంది.ఇక ఈ సినిమా కథ ఓ పాడుబడ్డ ఇంటిలో జరుగుతుందని మనకు ట్రైలర్తో తెలిపారు.
ఇక్కడ దెయ్యాలు ఉన్నాయని, అవి చేసే హింసను అరికట్టేందుకు పోలీస్ ఆఫీసర్ పాత్రలో అంజలి వస్తుంది.అయితే మూగ,చెవిటి అనుష్కకు ఈ దెయ్యాలతో సంబంధం ఏమిటి? అసలు ఆ ఇంటితో అనుష్కకు ఎలాంటి సంబంధం ఉంది? మాధవన్ ఎవరు? అనే అంశాలను ప్రశ్నించేలా ఈ ట్రైలర్ చేస్తుంది.
ఇక ఈ సినిమాలో మాధవన్, అంజలి ఇతర ముఖ్య పాత్రల్లో నటిస్తున్నారు.ఈ సినిమాను ఏప్రిల్ 2వ తేదీన ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అయ్యింది.
ఈ సినిమాను హేమంత్ ముధకర్ డైరెక్ట్ చేస్తుండగా పీపుల్ మీడియా ఫ్యాక్టరీ ప్రొడ్యూస్ చేస్తుంది.ఈ సినిమాను తెలుగు, తమిళ, మలయాళం, ఇంగ్లీష్, హిందీ భాషల్లో రిలీజ్ చేసేందుకు చిత్ర యూనిట్ ప్లాన్ చేస్తోంది.
