బుల్లితెర టీవీ నటిగా, యాంకర్ గా ఎన్నో కార్యక్రమాల ద్వారా ఎంతో మంచి గుర్తింపు సంపాదించుకున్న యాంకర్ శ్యామల గురించి ప్రత్యేకంగా చెప్పాల్సిన పనిలేదు.ఈమె కేవలం యాంకర్ గా మాత్రమే కాకుండా బుల్లితెరపై ఎన్నో సీరియల్స్ లో నటించి సందడి చేశారు.
అదేవిధంగా వెండితెరపై పలు సినిమాలలో కీలక పాత్ర ద్వారా శ్యామల ఎంతో మంచి క్రేజ్ దక్కించుకున్నారు.ఇకపోతే ప్రస్తుతం పలు టీవీ కార్యక్రమాలు అలాగే సినిమా ఈవెంట్ లతో శ్యామల ఎంతో బిజీగా గడుపుతున్నారు.
ఇలా కెరీర్ పరంగా ఎంతో బిజీగా ఉండే శ్యామల సొంతంగా యూట్యూబ్ ఛానల్ నిర్వహిస్తున్న సంగతి మనకు తెలిసిందే.తన యూట్యూబ్ ఛానల్ ద్వారా ఎన్నో వీడియోలను అభిమానులతో పంచుకుంటున్నారు.
ఇకపోతే ఇంస్టాగ్రామ్ వేదికగా నిత్యం డాన్స్ వీడియోలను సోషల్ మీడియాలో షేర్ చేస్తూ రోజురోజుకు విపరీతమైన ఫ్యాన్ ఫాలోయింగ్ పెంచుకుంటున్నారు.ఇదివరకే ఎన్నో అద్భుతమైన పాటలకు డాన్స్ చేస్తూ డాన్స్ వీడియోలను అభిమానులతో పంచుకున్న శ్యామల తాజాగా మరొక డాన్స్ వీడియో ద్వారా అభిమానులను సందడి చేశారు.
తాజాగా మహేష్ బాబు నటించిన సర్కారు వారి పాట సినిమాలోని మ.మ.మహేషా అనే పాటకు అద్భుతమైన మాస్ స్టెప్పులు వేస్తూ డాన్స్ చేశారు.ప్రస్తుతం ఈ డాన్స్ వీడియోని ఇన్స్టాగ్రామ్ ద్వారా అభిమానులతో పంచుకున్నారు.
ఇక ఈ వీడియో షేర్ చేస్తున్న కొన్ని క్షణాల్లోనే వైరల్ గా మారి ఎంతోమంది అభిమానులను సందడి చేసింది.ఈ క్రమంలోనే ఈమె డాన్స్ వీడియో చూసిన అభిమానులు తమదైన శైలిలో తన డాన్స్ పెర్ఫార్మెన్స్ పై కామెంట్లు చేస్తున్నారు.
