తెలంగాణలో వెలుగులోకి వచ్చిన గొర్రెల పంపిణీ కుంభకోణం( Sheep distribution scam )లో ఏసీబీ అధికారుల దర్యాప్తు ముమ్మరంగా కొనసాగుతోంది.ఈ పథకంలో మొత్తం రూ.2.10 కోట్ల స్కాం జరిగిందని అధికారులు గుర్తించారు.విచారణలో భాగంగా నలుగురు పశుసంవర్ధక శాఖ( Animal Husbandry Department ) అధికారులను ఇవాళ్టి నుంచి మూడు రోజులపాటు ఏసీబీ అధికారులు విచారించనున్నారు.
ప్రైవేట్ వ్యక్తులతో కలిసి పశుసంవర్ధక శాఖ అధికారులు బినామీ ఖాతాలు తెరిచారని ఏసీబీ( ACB ) నిర్ధారించిందని తెలుస్తోంది.ఈ క్రమంలోనే పలు రికార్డులను పరిశీలించిన ఏసీబీ అధికారులు బాధితుల నుంచి వివరాలను సేకరించారు.బినామీల పేర్లతో నిధులను దారి మళ్లించారనే ఆధారాలను కూడా ఏసీబీ సేకరించింది.
ఈ కేసులో పశుసంవర్ధక శాఖ ఉన్నతాధికారులతో పాటు కాంట్రాక్టర్ల పాత్రలపైనా ఆరా తీస్తున్నారు.
