ఒళ్లు గగుర్పొడిచే ఓ వీడియో ఇప్పుడు సోషల్ మీడియాను ఊపేస్తోంది.ఉత్తరప్రదేశ్లోని లక్నోలో( Lucknow ) జరిగిన ఈ షాకింగ్ ఘటన అందరినీ దిగ్భ్రాంతికి గురిచేస్తోంది.
సుమారు 13-14 ఏళ్ల వయసున్న ఓ అమ్మాయి, వేగంగా వెళ్తున్న రైలు( Train ) నుంచి అమాంతం కిందకు దూకేసిన దృశ్యాలు నెట్టింట వైరల్ అవుతున్నాయి.ఈ వీడియో చూసిన వాళ్లంతా షాక్ అవుతున్నారు, ఆందోళన వ్యక్తం చేస్తున్నారు.
ఈ వైరల్ వీడియోలో( Viral Video ), ఓ అమ్మాయి కదులుతున్న రైలు డోర్ దగ్గర మెట్లపై నిల్చొని ఉంది.బయట వేగంగా కదిలిపోతున్న ప్రకృతిని చూస్తోంది.
ఆమె వెనకాలే ఓ వ్యక్తి నిలబడి ఉన్నాడు.అతనే ఈ వీడియో తీస్తున్నట్లుగా ఉంది.ఆ అమ్మాయి రైలు దిగేందుకు రెడీ అవుతున్నట్లు కనిపించడంతో, ఆ వ్యక్తి ఆమెను హెచ్చరించాడు.“ట్రైన్ చాలా స్పీడ్గా వెళ్తోంది, దూకొద్దు” అని గట్టిగా చెప్పాడు.
అయితే, ఆ అమ్మాయి మాత్రం అతని మాటలను పెడచెవిన పెట్టింది.“హమ్ ఉతరేంగే” (నేను దిగుతాను) అని బదులిచ్చింది.ఎంత ప్రమాదమో తెలిసినా, హెచ్చరికను ఏమాత్రం లెక్కచేయలేదు.ఆ వెంటనే, రెప్పపాటులో వేగంగా వెళ్తున్న రైలు నుంచి కిందకు దూకేసింది.ఇది చూసి వీడియో తీస్తున్న వ్యక్తికి నోట మాట రాలేదు.షాక్తో వెంటనే డోర్ దగ్గరకు పరుగెత్తి, అమ్మాయి ఎక్కడ పడిపోయిందా అని వెతికాడు, కానీ ఆమె ఎక్కడా కనిపించలేదు.
ఆ వీడియో అక్కడితో ఆగిపోయింది.కానీ చూసిన ప్రతీ ఒక్కరినీ తీవ్ర కలవరానికి గురిచేస్తోంది.అసలు ఇంత దారుణం ఎలా జరిగిందని, ఆ అమ్మాయి ఎందుకు దూకేసిందని నెటిజన్లు ప్రశ్నల వర్షం కురిపిస్తున్నారు.కొందరైతే, వీడియో తీసిన వ్యక్తిపై మండిపడుతున్నారు.“ఆమెను మరింత గట్టిగా ఆపాల్సింది, లేదా వెంటనే రైల్వే అధికారులకు సమాచారం ఇవ్వాల్సింది కదా” అంటూ అతన్ని తప్పుబడుతున్నారు.
ప్రస్తుతానికి, రైలు నుంచి దూకేసిన ఆ అమ్మాయి పరిస్థితి ఏమైందనే దానిపై ఎలాంటి స్పష్టమైన సమాచారం లేదు.
ఆమె ఆచూకీ దొరికిందా? క్షేమంగా ఉందా? గాయాలపాలైందా? అనే విషయాలపై అధికారులు ఇంకా ఎలాంటి అధికారిక ప్రకటన విడుదల చేయలేదు.
ఈ షాకింగ్ సంఘటన రైలు ప్రయాణాల్లో, ముఖ్యంగా ఒంటరిగా ప్రయాణించే యువతీయువకుల భద్రతపై తీవ్ర ఆందోళనలను రేకెత్తిస్తోంది.
కదులుతున్న రైళ్ల డోర్ల దగ్గర నిలబడటం ఎంత ప్రమాదకరమో ఈ ఘటన మరోసారి కళ్లకు కట్టింది.ఇలాంటి ప్రమాదకర పరిస్థితుల్లో తోటి ప్రయాణికుల బాధ్యత ఎంత కీలకమో కూడా ఈ సంఘటన గుర్తుచేస్తోంది.
