రాజస్థాన్‌లోని జైసల్మేర్ సిటీకి వెళ్లిన ఓ సౌత్ కొరియన్ జంటకు ఊహించని షాక్ తగిలింది.అక్కడ ఆటో-రిక్షా డ్రైవర్లు వాళ్లతో ఫ్లూయెంట్‌గా కొరియన్‌లో మాట్లాడి ఆశ్చర్యపరిచారు.
ట్రావెల్ వ్లాగర్స్ అయిన ఈ జంట బస్ స్టాండ్‌కు చేరుకున్నారు.అక్కడ వరసగా ఉన్న టక్-టక్ (బ్యాటరీ ఆటోలు)లను చూసి, కొరియన్ భాషలో “ఇవన్నీ టక్-టక్ లే కదా” అని సరదాగా అనుకున్నారు.
వెంటనే, అక్కడున్న డ్రైవర్లు పర్ఫెక్ట్ కొరియన్ యాసలో “హలో” (Hallo)అంటూ పలకరించారు.వాళ్లకు దిమ్మతిరిగిపోయింది.అంతటితో ఆగకుండా, ఒక డ్రైవర్ ఏకంగా, “ఒకప్పుడు వచ్చినంత మంది కొరియన్లు ఇప్పుడు రావట్లేదు.ఎందుకని?” అని కొరియన్‌లోనే అడిగేశాడు.ఆశ్చర్యంలో మునిగిపోయిన ఆ జంట నవ్వుతూ, “అవును కదా.ఎందుకో మరి?” అని బదులిచ్చారు.దానికి ఆ డ్రైవర్, “మిమ్మల్ని (కొరియన్లను) చూసి చాలా కాలం అయ్యింది” అని కూడా చెప్పాడు.
వాళ్ల భాషా నైపుణ్యానికి ఫిదా అయిపోయిన ఆ కొరియన్ జంట, డ్రైవర్లను తెగ మెచ్చుకున్నారు.“మేము కచ్చితంగా ఈ ప్లేస్ ని అందరికీ రికమెండ్ చేస్తాం” అని కూడా చెప్పారు.వాళ్లు జైసల్మేర్ లోని ఫేమస్ ‘గోల్డెన్ సిటీ’(Golden City) వైపు నడుచుకుంటూ వెళ్తుండగా, మరో టక్-టక్ డ్రైవర్ వాళ్ల దగ్గరకు వచ్చాడు.
అతను కూడా కొరియన్ లో, రైడ్ కావాలా అని అడిగాడు.దానికి ఆ జంట వినయంగా, “వద్దులెండి, మేం నడిచే వెళ్తున్నాం” అని చెప్పగా, ఆ డ్రైవర్ కూడా వారి మాటలను స్పష్టంగా అర్థం చేసుకుని నవ్వేశాడు.
ఈ అద్భుతమైన సంఘటనను ఆ జంట వీడియో తీసి సోషల్ మీడియాలో పెట్టగా, అది క్షణాల్లో వైరల్ అయిపోయింది.ఆ డ్రైవర్ల కొరియన్ ఫ్లూయెన్సీ చూసి నెటిజన్లు షాక్ అయ్యారు.
ఒక ఇన్‌స్టా యూజర్, “ఒక భారతీయుడిగా, నేను కూడా షాక్ అయ్యాను” అని కామెంట్ పెట్టారు.ఇంకొకరేమో సరదాగా, “వాళ్లు ఖాళీ టైంలో డ్యూలింగో (Duolingo) వాడి, కే-డ్రామాలు (K-dramas) చూస్తారేమో” అని జోక్ చేశారు.
చాలా మంది నెటిజన్లు ప్రకారం, జైసల్మేర్ ఒక పాపులర్ టూరిస్ట్ ప్రదేశం కావడంతో, ప్రపంచం నలుమూలల నుంచి టూరిస్టులు వస్తుంటారు.ఇలా ఏళ్ల తరబడి విదేశీ టూరిస్టులతో మాట్లాడుతూ ఉండటం వల్ల, అక్కడి చాలా మంది స్థానికులు రకరకాల భాషలు నేర్చుకున్నారు.ఈ స్కిల్ వాళ్లకు టూరిస్టులతో బాగా కమ్యూనికేట్ అవ్వడానికి సాయపడటమే కాకుండా, వచ్చే టూరిస్టులకు కూడా ఇలాంటి మర్చిపోలేని అనుభవాలను అందిస్తోంది.
