శ్రీ లీలనే నా ఇంటి కోడలు.. క్లారిటీ ఇచ్చిన హీరో తల్లి.. డేటింగ్ వార్తలు నిజమేనా?

టాలీవుడ్ ఇండస్ట్రీలో స్టార్ హీరోయిన్గా కొనసాగుతున్న వారిలో యంగ్ బ్యూటీ శ్రీ లీల( Sreeleela ) ఒకరు.కన్నడ చిత్ర పరిశ్రమ నుంచి తెలుగు ఇండస్ట్రీలోకి వచ్చిన ఈమె ఇక్కడ అతి తక్కువ సమయంలోనే మంచి సక్సెస్ అందుకున్నారు.

ప్రస్తుతం తెలుగు సినిమాలతో పాటు బాలీవుడ్ సినిమాలలో నటిస్తూ కెరియర్ పరంగా ఎంతో బిజీగా ఉన్నారు.ఇలా హీరోయిన్గా ఇండస్ట్రీలో కొనసాగుతున్న శ్రీ లీలకు సంబంధించి గత కొద్ది రోజులుగా ఒక వార్త పెద్ద ఎత్తున వైరల్ అవుతున్న సంగతి తెలిసిందే.

ఈమె బాలీవుడ్ హీరో కార్తీక్ ఆర్యన్ తో ( Karthik Aryan ) ప్రేమలో ఉన్నారు అంటూ వార్తలు వినిపించాయి అంతేకాకుండా ఇటీవల కార్తీక్ ఆర్యన్ ఇంట్లో జరిగిన ఒక ప్రైవేటు పార్టీలో కూడా ఈమె పెద్ద ఎత్తున ఎంజాయ్ చేస్తూ కనిపించారు.దీంతో ఈ వార్తలకు మరింత బలం చేకూరింది.

ఇలా కార్తీక్ ఆర్యన్ శ్రీ లీల ప్రేమలో ఉన్నారు అంటూ వస్తున్నటువంటి ఈ రూమర్లపై తాజాగా హీరో కార్తీక్ ఆర్యన్ తల్లి స్పందిస్తూ చేసిన కామెంట్లు ప్రస్తుతం సంచలనగా మారాయి.

తాజాగా బాలీవుడ్ ఇండస్ట్రీలో ఐఫా వేడుకలు జరిగాయి.ఈ కార్యక్రమంలో భాగంగా ప్రొడ్యూసర్ కరణ్ జోహార్ కార్తీక్ ఆర్యన్ తల్లిని తనకు కాబోయే కోడలు గురించి ప్రశ్నించారు.మీ ఇంటికి ఎలాంటి కోడలు రావాలని కోరుకుంటున్నారు అంటూ ఈయన ప్రశ్నించడంతో వెంటనే కార్తీక్ తల్లి తన ఇంటికి ఒక మంచి వైద్యురాలు ( Doctor ) అయినటువంటి కోడలు వస్తే బాగుంటుంది అంటూ సమాధానం చెప్పారు.

ఇలా ఈమె చెప్పిన సమాధానం విని శ్రీ లీల అభిమానులు షాక్ అవుతున్నారు.ఈమె ఖచ్చితంగా శ్రీ లీలను ఉద్దేశించే ఇలాంటి కామెంట్స్ చేశారని భావిస్తున్నారు.

శ్రీ లీల ప్రస్తుతం హీరోయిన్గా ఇండస్ట్రీలో కొనసాగుతున్నప్పటికీ మరోవైపు వైద్య విద్యను అభ్యసిస్తున్న సంగతి మనకు తెలిసిందే.ఇలా ఒకవైపు మెడిసన్ చదువుతూనే మరోవైపు సినిమాలలో నటిస్తూ శ్రీ లీల బిజీగా ఉన్నారు.ఈ నేపథ్యంలోనే కార్తీక్ ఆర్యన్ తల్లి చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ గా మారడంతో వీరిద్దరి మధ్య డేటింగ్ రూమర్లు నిజమేనని ఆ అభిమానులు భావిస్తున్నారు.ఇక కార్తీక్ ఆర్యన్ ఇంట్లో కూడా అందరూ డాక్టర్లు కావటం విశేషం.