సముద్రం ఒడ్డున ఒంటరిగా జీవిస్తూ, ప్రపంచానికి దూరంగా తనదైన ఒక చిన్న సామ్రాజ్యాన్ని నిర్మించుకున్న “రాబిన్సన్ క్రూసో”( Robinson Crusoe ) అలియాస్ మౌరో మొరాండి( Mauro Morandi ) కన్నుమూశారు.85 ఏళ్ల మొరాండి గత మూడు దశాబ్దాలకు పైగా ఇటలీలోని( Italy ) బుడెల్లి ద్వీపంలో ఒంటరిగా జీవించారు.సొంతంగా జీవించడంలో అద్భుతమైన నైపుణ్యాన్ని సంపాదించుకున్నారు.అయితే, మూడు సంవత్సరాల క్రితం ఆయన ఆ దీవిని విడిచి తిరిగి సాధారణ జీవితంలోకి అడుగుపెట్టారు.
సార్డీనియా సమీపంలోని చిన్న ద్వీపమైన బుడెల్లిలో మొరాండి ఒక్కరే నివసించడంతో మీడియా ఆయనకు “రాబిన్సన్ క్రూసో” అనే ముద్దుపేరు పెట్టింది.1989లో పాలినిషియాకు పయనమవుతుండగా తన పడవ ప్రమాదానికి( Boat Accident ) గురై బుడెల్లి దీవికి చేరుకున్నారు.ఆధునిక సమాజం, వినియోగ సంస్కృతికి దూరంగా జీవించాలనే తపనతో అక్కడే ఒంటరిగా ఉండిపోయారు.
బుడెల్లి ద్వీపం( Budelli Island ) ఒకప్పుడు రెండో ప్రపంచ యుద్ధం నాటి తలదాచుకునే ప్రదేశం.మౌరో ఆ ద్వీపానికి సంరక్షకుడిగా మారి, దాని స్వచ్ఛతను కాపాడారు.సందర్శకులకు అక్కడి పర్యావరణ వ్యవస్థ గురించి తెలియజేశారు.
తన విద్యుత్ అవసరాల కోసం సౌర విద్యుత్ వ్యవస్థను ఏర్పాటు చేసుకున్నారు.అలాగే, తన ఇంటిని వేడి చేసుకోవడానికి సాధారణ పొయ్యిని ఉపయోగించేవారు.
కానీ 2021లో లా మద్దలేనా నేషనల్ పార్క్( La Maddalena National Park ) అధికారులతో వచ్చిన విభేదాల కారణంగా ఆయన ఆ దీవిని విడిచి వెళ్లాల్సి వచ్చింది.వారు ఆ దీవిని పర్యావరణ విద్యా కేంద్రంగా మార్చాలని యోచించారు.దీంతో మొరాండి పక్కనే ఉన్న లా మద్దలేనా ద్వీపంలోని ఒక చిన్న అపార్ట్‌మెంట్‌కు మారారు.ఆ తర్వాత కాలు జారి గాయపడటంతో కొంతకాలం సంరక్షణ గృహంలో ఉన్నారు.
బుడెల్లిని విడిచిపెట్టిన తర్వాత మౌరో జీవితంలో మార్పులు చోటు చేసుకున్నాయి.“ఇప్పుడు అంతా శబ్దం,” అంటూ ఆ ద్వీపంలోని ప్రశాంతతను కోల్పోయానని ఆయన ఒక ఇంటర్వ్యూలో బాధపడ్డారు.చివరికి సిటీ లైఫ్ అతడి ఆరోగ్యాన్ని సర్వనాశనం చేసింది.ఇంకేముంది, కేవలం మూడేళ్ల కాలంలోనే అనారోగ్యం కారణంగా ఉత్తర ఇటలీలోని తన స్వస్థలమైన మోడెనాలో తుది శ్వాస విడిచారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
