ఇటీవల ఆఫీసు నుంచి ఇంటికి తిరిగి రాత్రివేళ వచ్చిన ఒక ఆస్ట్రేలియా కపుల్ కి( Australian Couple ) దిమ్మతిరిగే సీన్ కనిపించింది.వారు తమ ఇంటికి వచ్చి గదిలోకి వెళ్లగా, అక్కడ ఆశ్చర్యకరమైన దృశ్యం వారి కళ్ల ముందు కనిపించింది.
అది ఏంటంటే వారి బెడ్ పై ఒక అడవి కోలా( Koala ) చాలా దర్జాగా పడుకుని ఉంది.అది ఎలా అక్కడికి వచ్చిందో తెలియదు.
కానీ ఈ జీవి వారి గదిలోని డ్రాయర్‌లో తనకు తానుగా వెతుకుతోంది.కాసేపటికి హాయిగా పరుపుపైకి ఎక్కి, అక్కడే కూర్చుని ఉంది.
ఈ విచిత్రమైన సంఘటనను దంపతులు వీడియో తీసి సోషల్ మీడియాలో పోస్ట్ చేయగా, అది వైరల్‌గా( Viral ) మారింది.ప్రజలందరూ ఆ కోలా చూసి మురిసిపోయారు.అంత చిన్న కోలా ఎంత హాయిగా నిద్రపోతుందో చూసి ఆశ్చర్యపోయారు.వివరాల్లోకి వెళితే, ఆస్ట్రేలియాలో నివసిస్తున్న బ్రెజిలియన్ దంపతులు ఫ్రాన్ డియాస్ రుఫినో,( Fran Dias Rufino ) బ్రూనో( Brunno ) రాత్రి 12:30 గంటలకు పని ముగించుకుని ఇంటికి వచ్చారు అప్పుడు వారు, తమ బెడ్‌రూమ్‌లో ఒక అనుకోని అతిథిని కనుగొన్నారు.అది అదే కోలా!
ఫ్రాన్ ఈ విచిత్రమైన సంఘటన గురించి మాట్లాడుతూ, “నేను భయపడ్డాను, సంతోషించాను, ఉత్సాహంగా ఉన్నాను.అన్ని ఫీలింగ్స్ ఒకేసారి కలిగాయి.” అని చెప్పారు.తన ఇన్‌స్టాగ్రామ్‌లో ఈ హాస్యాస్పదమైన సంఘటనను పంచుకుంటూ, “ఆస్ట్రేలియాలో మాత్రమే ఇలాంటివి జరుగుతాయి.
రాత్రి 12:30 గంటలకు పని ముగించుకుని ఇంటికి వచ్చాను, నా బెడ్‌రూమ్‌లో, నా పరుపు మీద ఒక కోలాను చూశాను.ఏం చేయాలో తెలియక నేను నా ఇంగ్లీష్ మర్చిపోయాను.
బ్రూనో చివరకు దాన్ని బయటకు తీసుకెళ్లాడు, కానీ అది చాలా దూకుడుగా ఉంది కాబట్టి నేను భయపడ్డాను” అని రాశారు.ఏదేమైనా ఆ జంతువు తాపీగా ఇంట్లోకి వచ్చి బెడ్రూంలో పడుకోవడం అందర్నీ ఆశ్చర్యానికి గురిచేసింది.
