ఈ రోజుల్లో మనుషుల్లో సహనం అనేది అసలు ఉండటం లేదు.అందుకే అనవసరమైన గొడవలకు పోతూ హింసాత్మక ఘటనలకు తెరలేపుతున్నారు.
మగవాళ్లే కాదు ఆడవాళ్లు కూడా గొడవలకి సై అంటున్నారు.తాజాగా బెంగళూరులోని(Bengaluru) ఓ యువతి ఆటోడ్రైవర్‌తో పెద్ద గొడవ పెట్టుకుంది.
ఆ డ్రైవర్ పేరు పవన్ కుమార్.అతను ఆ మహిళా ప్రయాణికురాలితో జరిగిన వాగ్వాదాన్ని వీడియో తీసి సోషల్ మీడియాలో పోస్ట్ చేశాడు.
ఈ వీడియో సామాజిక మాధ్యమాల్లో వైరల్‌గా మారింది.ఈ ఘటనపై నెటిజన్లు తీవ్రంగా స్పందిస్తున్నారు.
వీడియోలో, ప్రయాణికురాలు ఒకే ప్రయాణానికి రెండు వేర్వేరు ఆటో అప్లికేషన్లైన ఓలా, రాపిడో(Ola, Rapido) ద్వారా ఆటోలు బుక్ చేసిందని పవన్ కుమార్ ఆరోపించారు.అతను ఆమె కోసం ఎక్కువ సేపు వేచి ఉన్నానని, ఆ తర్వాత ఆమె రద్దు చేసి మరొక ఆటోలో వెళ్ళిపోయిందని చెప్పారు.“ఒకే సమయంలో రెండు ఆటోలు ఎలా బుక్ చేస్తారు? నేను ఇక్కడ ఎక్కువ సేపు వేచి ఉన్నాను, ఇప్పుడు మీరు రద్దు చేసి మరొక ఆటోలో ఎక్కారు.ఆటో డ్రైవర్లతో(Auto-rickshaw driver) ఇలా ఎందుకు చేస్తున్నారు?” అని ఆమెను ప్రశ్నించారు.
మహిళ తాను రెండు ఆటోలు బుక్ చేయలేదని, కేవలం రెండు యాప్‌లలో ధరలను మాత్రమే పోల్చానని వాదించింది.“నేను రెండు ఆటోలు బుక్ చేయలేదు,” అని ఆమె అన్నారు.“ఎందుకు నన్ను ఇబ్బంది పెడుతున్నారు? నేను కేవలం ధరలను పోల్చి ఒకటి బుక్ చేశాను.మీకు ఒక బుకింగ్ వచ్చిందంటే అది ఆ యాప్‌లో ఏదో సమస్య.దయచేసి నన్ను ఇబ్బంది పెట్టడం మానేయండి.” అని కోరారు.వాగ్వాదం కొనసాగగా, ఆమె బాగా కోపంగా ఉందని తెలుస్తోంది.ఆమె డ్రైవర్‌ను పిచ్చివాడు అంటూ తిట్టి, ఆటో వివరాలను రికార్డ్ చేసింది.ఈ విషయాన్ని తన తండ్రికి ఫోన్‌లో చెప్పింది.
ఈ వీడియో సోషల్ మీడియాలో విభిన్న అభిప్రాయాలను రేకెత్తిస్తోంది.కొంతమంది మహిళను సమర్థిస్తూ, ధరలను పోల్చి ఒక ఆప్షన్‌ను ఎంచుకోవడంలో తప్పు లేదని అంటున్నారు. డ్రైవర్(Driver) ఆమెను ఎదుర్కోవడం తప్పని వారు అభిప్రాయపడుతున్నారు.
అయితే, మరికొందరు మహిళ భాష, ప్రవర్తన అనుచితమని భావిస్తున్నారు.ఒక యూజర్, “ఈ ఆటో డ్రైవర్లు మనల్ని 5-10 నిమిషాలు వేచి ఉంచి, ఆ తర్వాత రైడ్‌లను రద్దు చేస్తారు.
అదే వారికి జరిగితే వారికి కోపం వస్తే, వారు వీడియోలు చేయకూడదు” అని కామెంట్ చేశారు.
