ఇప్పుడున్న కాలంలో పిల్లలకి అనేక జాగ్రత్తలు చెప్పడం చాలా అవసరం.పిల్లల్ని అమ్మేసే దుర్మార్గులు ఈ సమాజంలో ఉన్నారు.
కొందరు కామాంధులు ఆ చిన్నారులకు మాయ మాటలు చెప్పి అత్యాచారాలకు కూడా పాల్పడుతున్నారు.ఇలాంటి నీచుల నుంచి వారిని వారు ఎలా కాపాడుకోవాలో నేర్పించడం చాలా అత్యావశకం.
ఇప్పటికే చాలా కుటుంబాలు ఈ విషయం మీద శ్రద్ధ చూపుతున్నాయి.కానీ, ఇటీవల వైరల్ అయిన ఒక వీడియో చూస్తే, పిల్లలకి స్వయం రక్షణ(Self-Protection) నేర్పించడం ఎంత ముఖ్యమో మరోసారి తెలుస్తుంది.
ఈ వీడియోలో, ఒక చిన్న అమ్మాయి ఎంత తెలివిగా వ్యవహరించిందో చూసి అందరూ ఆశ్చర్యపోతున్నారు.ఆ వీడియో ఎక్కడ రికార్డు చేశారో తెలియదు కానీ, ఆ అమ్మాయి తన ఇంటి బిల్డింగ్‌లోకి వెళ్తున్నప్పుడు ఒక అపరిచితుడు ఆమె వెనుక వస్తున్నాడు.
ఆ వ్యక్తి తనకు ఏదో చెడు చేయాలని అనుకుంటున్నాడని అర్థం చేసుకున్న ఆ అమ్మాయి త్వరగా పైకి పరిగెత్తి, అన్ని ఇళ్ల తలుపులు తట్టింది.అదృష్టవశాత్తు, ఒక మనిషి తలుపు తెరిచాడు.
ఆ అమ్మాయి వెంటనే ఆయనతో జరిగిన విషయాన్ని చెప్పింది.అంతలోనే ఆ అపరిచితుడు అక్కడికి వచ్చాడు కానీ, ఆ మనిషి అతనిని ఎదుర్కోవడానికి వస్తున్నాడని చూసి భయపడి పారిపోయాడు.
ఆ అమ్మాయి చేసిన ఈ తెలివైన పనికి అందరూ ప్రశంసలు కురిపిస్తున్నారు.
ఆ వీడియో సోషల్ మీడియాలో చాలా చర్చకు దారితీసింది.కొంతమంది అది నటించినదని అనుకుంటున్నారు, మరికొందరు అది నిజం కాకపోయినా పిల్లలకు చుట్టుపక్కల వాతావరణం గురించి తెలుసుకోవడం ఎంత ముఖ్యమో చూపిస్తుందని అంటున్నారు.కొంతమంది విమర్శించినా, చాలామంది ఆ అమ్మాయి చేసిన పనిని ప్రశంసించారు.
ఒకరు, ‘ఆమెను దేవుడు ఆశీర్వదించాలి… ఎప్పుడూ సురక్షితంగా ఉండాలి.చాలా తెలివైన అమ్మాయి’ అని కామెంట్ చేశారు.
మరొకరు, ‘ఆమె నిజమైన ప్రతిభావంతురాలు’ అని అన్నారు.మరొకరు, ‘పిల్లలు (Child)సాధారణంగా, ప్రశాంతంగా జీవించడానికి బదులు ఇలా శిక్షణ తీసుకోవాల్సి రావడం చాలా బాధాకరం’ అని కూడా అన్నారు.
