టాలీవుడ్ స్టార్ డైరెక్టర్ ఎస్.ఎస్ రాజమౌళి ( SS Rajamouli ) ప్రస్తుతం మహేష్ బాబు( Mahesh Babu ) సినిమా పనులలో ఎంతో బిజీగా ఉన్న సంగతి మనకు తెలిసిందే.ఈ సినిమా ప్రస్తుతం ప్రీ ప్రొడక్షన్ పనులను జరుపుకుంటుంది.వచ్చే ఏడాది జనవరి నుంచి ఈ సినిమా రెగ్యులర్ షూటింగ్ పనులు ప్రారంభం అవుతాయని ఇటీవల రాజమౌళి తండ్రి విజయేంద్ర ప్రసాద్ ఓ కార్యక్రమంలో వెల్లడించారు.
ఇక రాజమౌళి కూడా ఈ సినిమా కోసం పలు లోకేషన్లను వెతుకుతూ అలాగే ఇతర వ్యవహారాలన్నింటిని చూసుకుంటూ బిజీగా ఉన్నారని తెలుస్తోంది.ఇకపోతే ఇటీవల కాలంలో ఈ సినిమా గురించి రాజమౌళి ఒక అప్డేట్ వెల్లడించారు.
మహేష్ బాబు సినిమాలో RRR సినిమాలో కంటే ఎక్కువగా జంతువులు కనిపిస్తాయని తెలియజేశారు.ఈ సినిమా ఓ ఫారెస్ట్ అడ్వెంచరస్ మూవీగా పాన్ ఇండియా స్థాయిలో ప్రేక్షకుల ముందుకు రాబోతున్న సంగతి తెలిసిందే.అయితే తాజాగా మహేష్ బాబు అభిమానులకు రాజమౌళి మరొక బిగ్ అప్డేట్ ఇచ్చారు.సోషల్ మీడియా వేదికగా రాజమౌళి ఒక ఫోటోని షేర్ చేశారు.
ఈ ఫోటోలలో భాగంగా రాజమౌళి ఎడారి ప్రాంతంలో నడుచుకుంటూ వెళుతున్నట్టు కనిపిస్తోంది అయితే ఈ ఫోటోని షేర్ చేసిన ఈయన కనుక్కోవడం కోసం తిరుగుతున్నా అంటూ క్యాప్షన్ ఇచ్చారు.దీన్నిబట్టి చూస్తుంటే సినిమా షూటింగ్ కోసం లొకేషన్స్ వేటలో ఉన్నారని తెలుస్తోంది.ఇక ఈ వ్యవహారాలన్నింటిని త్వరలోనే పూర్తి చేసుకుని వచ్చే ఏడాది నుంచి ఈ సినిమా షూటింగ్ ప్రారంభం కాబోతోంది.ఇక ఈ సినిమా కోసం హాలీవుడ్ టెక్నీషియన్లు కూడా పనిచేయబోతున్నారని తెలుస్తోంది.
ఈ భారీ ప్రాజెక్ట్‌ కోసం రాజమౌళి ఏఐ టెక్నాలజీని వినియోగించనున్నట్లు వార్తలు వినిపించాయి.దీనికోసం ఆయన ప్రత్యేక శిక్షణ తీసుకుంటున్నారని సమాచారం.
.
