కమలా హారిస్ ఇంటర్వ్యూని ఎడిట్ చేశారు .. అమెరికన్ ఛానెల్‌పై ట్రంప్ ఆరోపణలు

ఒరిజినల్ ఇంటర్వ్యూని ప్రసారం చేయాలని లేదంటే చట్ట ప్రకారం చర్యలు తీసుకుంటానని ట్రంప్ హెచ్చరించారు.దేశ ప్రజలను తప్పుదోవ పట్టించేలా రెండు రకాలుగా ఇంటర్వ్యూని మార్చేశారని ఆయన ఆరోపించారు.ప్రసార మాధ్యమాల చరిత్రలో ఇది అతిపెద్ద మోసమని ట్రంప్ తన ట్రూత్ సోషల్ ఫ్లాట్‌ఫాంలో ఓ పోస్ట్ పెట్టారు.కమహా హారిస్‌( Kamala Harris )ను రక్షించడానికి సీబీఎస్ న్యూస్ చేసిన మార్పును తెలుసుకునే హక్కు అమెరికా ప్రజలకు ఉందని ఆయన పేర్కొన్నారు.

అయితే ట్రంప్ చేస్తున్న వ్యాఖ్యలను సీబీఎస్ న్యూస్ తోసిపుచ్చింది.అయితే ట్రంప్( Donald Trump ) ఈ తరహా ఆరోపణలు చేయడం ఇదే మొదటిసారి కాదు.ఇప్పటికే టెక్ దిగ్గజం గూగుల్‌పై ఆయన కొద్దిరోజుల క్రితం విరుచుకుపడ్డారు.ఎన్నికలకు సంబంధించి కేవలం కమలకు చెందిన మంచి కథనాలు ట్రెండ్ అయ్యేలా గూగుల్ పక్షపాతం చూపిస్తోందని ట్రంప్ ఆరోపించారు.

తాను అధ్యక్షుడిగా ఎన్నికైతే ఈ వ్యవహారంపై న్యాయశాఖతో విచారణ జరిపిస్తానని ఆయన హెచ్చరించారు.

అలాగే తనకు సంబంధించిన బ్యాడ్ కంటెంట్‌ డిస్‌ప్లే అయ్యే విధంగా ఓ వ్యవస్ధను గూగుల్ చట్టవిరుద్దంగా ఉపయోగించిందని ట్రంప్ ఆరోపించారు.ఇది ముమ్మాటికీ చట్టవిరుద్ధమైన చర్య అని.ఎన్నికల్లో జోక్యం చేసుకున్నందుకు న్యాయశాఖ వారిని విచారిస్తుందని ఆయన ఆకాంక్షించారు.లేనిపక్షంలో అమెరికన్ చట్టాలకు లోబడి.తాను గెలిచిన వెంటనే గూగుల్‌పై ప్రాసిక్యూషన్‌కు అభ్యర్ధిస్తానని ట్రంప్ పేర్కొన్నారు.