కంపెనీని కోర్టుకు లాగిన యూకే మహిళ.. కారణం తెలిస్తే..

ఈ రోజుల్లో కంపెనీలు కారణం చెప్పకుండా ఉద్యోగులను తొలగిస్తున్నాయి.ఎంతో కాలం పని చేసిన సరే వారికి కంపెనీ యజమానులు ఏమాత్రం మర్యాద, కేర్ చూపించకుండా గెంటేస్తున్నారు.

కరెన్ కోనఘన్(Karen Conaghan) అనే బ్రిటీష్ మహిళకు కూడా ఇలాంటి అనుభవం ఎదురయ్యింది.ఆమెను ఇటీవల ఉద్యోగం నుంచి పీకేశారు.

ఆమెకు ఫేర్‌వెల్ కార్డు కూడా ఇవ్వకుండా అవమానించారు.దాంతో ఆమె తన కంపెనీపై కేసు వేసింది.

ఆమె ఇంటర్నేషనల్ ఎయిర్‌లైన్స్ గ్రూప్ (IAG) అనే కంపెనీలో పనిచేసేది.తనను నిర్లక్ష్యం చేశారని, ఇది సమానత్వ చట్టానికి వ్యతిరేకమని ఆమె వాదించింది.

కానీ, కోర్టు ఆమె వాదనను తోసిపుచ్చింది.ఇది వివక్షకు సంబంధించిన విషయం కాదు, కేవలం ఉద్యోగ సంబంధాలకు సంబంధించినదని కోర్టు చెప్పింది.IAGలో బిజినెస్ లియజన్ లీడ్‌గా పనిచేసిన కరెన్, తనను “అస్తిత్వంలో లేని వ్యక్తిగా” పరిగణించడం సమానత్వ చట్టం ప్రకారం ఒక రకమైన హింస అని వాదించింది.తప్పుడు తొలగింపు, లైంగిక వేధింపులు వంటి పెద్ద ఎత్తున అన్యాయం జరిగినందుకు ఇది ఒక భాగమని ఆమె చెప్పింది.

కరెన్(Karen) 2019లో ఆ కంపెనీలో చేరింది.కానీ, కంపెనీలో కొన్ని మార్పులు చేయడంతో ఆమెతో సహా చాలామందిని ఉద్యోగం నుంచి తొలగించారు.ఆమె ఈ విషయంపై కోర్టుకు వెళ్లింది.కోర్టు విచారణలో, ఆ కంపెనీ మేనేజర్లు కరెన్‌కు ఫేర్వెల్ కార్డు కొన్నారని తెలిసింది.

కానీ, ఆ కార్డు మీద చాలామంది సంతకాలు చేయలేదని, అందుకే ఆమెకు ఇవ్వలేదని చెప్పారు.ఈ విషయంపై న్యాయమూర్తి కెవిన్ పామర్ మాట్లాడుతూ, “ఆ కార్డు మీద ఎవరూ సంతకం చేయకపోయినా కూడా ఆమెకు ఇచ్చి ఉంటే, ఇవ్వకపోవడం కంటే ఇంకా అవమానంగా ఉండేది” అని అన్నారు.

కరెన్ తన కంపెనీపై 40 ఫిర్యాదులు చేసింది.ఆమెపై లైంగిక వేధింపులు జరిగాయని, తనను ఉద్దేశపూర్వకంగా తొలగించారని, అన్యాయంగా ట్రీట్ చేశారని ఆమె ఆరోపించింది.కానీ, కోర్టు ఆమె అన్ని ఆరోపణలను తోసిపుచ్చింది.న్యాయమూర్తి కెవిన్ పామర్ (Kevin Palmer)మాట్లాడుతూ సాధారణ పని సంబంధమైన సంభాషణలను కూడా వేధింపులుగా భావించకూడదని తెలిపారు.2021 సెప్టెంబర్‌లో కరెన్ రిచ్‌మండ్, నార్త్ యార్క్‌షైర్‌కు(Karen Richmond, for North Yorkshire) మారారు.కంపెనీ నిబంధనల ప్రకారం, ఉద్యోగులు హీత్రో విమానాశ్రయం(Heathrow Airport) నుండి రెండు గంటల దూరంలో నివసించాలి.

ఆమె ఆ నిబంధనను పాటించలేకపోవడంతో ఆమెను ఉద్యోగం నుంచి తొలగించారు.

న్యాయమూర్తి పామర్, కరెన్ వెళ్లిపోయిన తర్వాత ఆమెకు ఇచ్చే ఫేర్‌వెల్ కార్డుపై మరోసారి సంతకాలు చేయించారని గమనించారు.కానీ, కరెన్ ఆమెను, మరొక ఉద్యోగిని వేధించారని ఆరోపించినందున, ఆ కార్డును ఆమెకు ఇవ్వడం సరికాదని ఆమె మాజీ సహోద్యోగి భావించారు.న్యాయమూర్తి ఆమె ఆరోపణలకు ఎలాంటి ఆధారాలు లేవని తేల్చారు.

ఆమె చెప్పిన చాలా సంఘటనలు జరగలేదని లేదా అవి కేవలం పని స్థలంలో జరిగే సాధారణ సంభాషణలేనని అన్నారు.ఆమె ఆరోపణలు ఏదో ఒక లింగం లేదా లైంగిక కోణంలో జరిగాయని సూచించేలా ఏమీ లేదని కూడా ఆయన అన్నారు.