అశ్వనీదత్‌ సీనియర్ ఎన్టీఆర్‌ని కలవడానికి ఏం చేశారో తెలిస్తే షాకే..?

తాజాగా అశ్వనీదత్‌ కుమార్తె స్వప్నా దత్ ( Swapna Dutth )చలసాని ఓ ఇంటర్వ్యూలో మాట్లాడుతూ తన తండ్రి ఎన్టీఆర్ ని కలవడానికి, తన సినిమాలో నటించమని ఒప్పించడానికి ఎంత కష్టపడినారో తెలిపింది.ఆమె మాట్లాడుతూ “మా నాన్న రోజూ ఉదయం 3:30 గంటలకు సీనియర్ ఎన్టీఆర్ ఇంటి ముందు నిలుచుకునేవారు.ఎన్టీఆర్ గారు ఉదయం 4 లేదా 4:30 సమయంలో వాకింగ్ కి వెళ్లేవారు.ఆయన కారులో ఏవీఎం స్టూడియో వద్దకు వెళ్లి అక్కడ వాకింగ్ చేసేవారు.

మా నాన్న రోజూ ఉదయం 3:30 గంటలకు నిలబడటం ఎన్టీఆర్ అప్పుడప్పుడు చూసేవారు.అలా నెలలు తరబడి మా నాన్నను చూడడంతో ఆయనను ఒకరోజు ఇంట్లోకి పిలిపించారు.

తర్వాత ‘ఏంటి సంగతి, ఎందుకు ఇక్కడ నిల్చుంటున్నావు?’ అని అడిగితే ‘మీతో సినిమా తీయాలనుకుంటున్నాను’ అని చెప్పారట.ఆ తర్వాత ఎన్టీఆర్ గారికి మా నాన్న చెప్పిన కథ నచ్చడం, ఒప్పుకోవడం జరిగిపోయింది.అలా మా నాన్న నిర్మించిన మొదటి సినిమా ఎన్టీఆర్ గారిదే అయింది.” అని చెప్పింది.అశ్వినీ దత్ “శక్తి” సినిమా తీసిన తర్వాత ఏకంగా రూ.35 కోట్లు నష్టపోయారు.దాని తర్వాత సినిమా ఇండస్ట్రీకి గుడ్ బై చెబుదామనుకున్నారు కానీ కూతుర్లే అతని మళ్ళీ ప్రోత్సహించి సినిమాల్లో నిర్మాతగా కొనసాగే లాగా చేశారు.