సినిమాలు భారీ బ్లాక్ బస్టర్ హిట్లు అయినా అసంతృప్తికి లోనైన దర్శకులు వీళ్లే!

సాధారణంగా సినిమా హిట్ అయితే ఏ దర్శకుడు అయినా ఎంతో సంతోషిస్తారని ప్రత్యేకంగా చెప్పాల్సిన అవసరం లేదు.అయితే కొంతమంది స్టార్ డైరెక్టర్లకు మాత్రం సినిమా సక్సెస్ సాధించినా ఆ సినిమా విషయంలో ఒకింత అసంతృప్తి మాత్రం మిగిలిపోయింది.

స్టార్ డైరెక్టర్ రాజమౌళి( Star Director Rajamouli ) డైరెక్షన్ లో తెరకెక్కి బ్లాక్ బస్టర్ హిట్ గా నిలిచిన యమదొంగ సినిమా కూడా ఒకటనే సంగతి తెలిసిందే.

అయితే ఈ సినిమాను అనుకున్న విధంగా తెరకెక్కించలేకపోయానని టెక్నికల్ అంశాల విషయంలో మరింత జాగ్రత్త పడాల్సిందని జక్కన్న భావించారట.

అప్పట్లోనే ఈ సినిమా 32 కోట్ల రూపాయల షేర్ కలెక్షన్లను సొంతం చేసుకున్న సంగతి తెలిసిందే.స్టార్ డైరెక్టర్ ప్రశాంత్ నీల్( Prashant Neel ) తన తొలి సినిమా ఉగ్రం విషయంలో అసంతృప్తికి లోనవుతూ ఉంటారట.

ఆ సినిమాకు టెక్నికల్ గా ఆశించిన స్థాయిలో న్యాయం చేయలేకపోయానని ఆయన భావించారట.

ఆ లోటును తీర్చుకోవడానికే ప్రశాంత్ నీల్ ఉగ్రం కథతో సలార్ సినిమాను తెరకెక్కించారు.అర్జున్ రెడ్డి సినిమా రన్ టైమ్ 30 నిమిషాలు తగ్గించడం సందీప్ రెడ్డి వంగాను ( Sandeep Reddy Vanga )తీవ్రస్థాయిలో నిరాశకు గురి చేసిందట.అర్జున్ రెడ్డి సినిమాను పూర్తి నిడివితో రిలీజ్ చేసి ఉంటే ఆ అసంతృప్తి ఈ దర్శకునికి ఉండేది అయితే కాదనే సంగతి తెలిసిందే.

ఈ ముగ్గురు దర్శకులు నూరు శాతం సక్సెస్ రేట్ ఉన్న దర్శకులు కావడం గమనార్హం.

ఈ దర్శకుల తర్వాత ప్రాజెక్ట్ లపై అంచనాలు అంతకంతకూ పెరుగుతున్నాయి.సూపర్ స్టార్ మహేష్ బాబు రాజమౌళి కాంబినేషన్ లో ఒక సినిమా తెరకెక్కుతుండగా ప్రభాస్ ప్రశాంత్ నీల్ కాంబోలో సైతం ఒక సినిమా తెరకెక్కుతోంది.సందీప్ రెడ్డి వంగా తర్వాత సినిమా కూడా ప్రభాస్ హీరోగా తెరకెక్కుతోంది.

ఈ సినిమాలు ఎలాంటి ఫలితాలను అందుకుంటాయో చూడాల్సి ఉంది.