రానున్న పార్లమెంట్ ఎన్నికల్లో సికింద్రాబాద్ నియోజకవర్గం( Secunderabad)లో బీజేపీ, బీఆర్ఎస్ మధ్యనే ప్రధానమైన పోటీ ఉంటుందని మాజీ మంత్రి, బీఆర్ఎస్ పార్టీ వర్కింగ్ ప్రెసిడెంట్ కేటీఆర్( KTR ) అన్నారు.అదేవిధంగా సికింద్రాబాద్ లో బీఆర్ఎస్ విజయం సాధిస్తుందని
ధీమా వ్యక్తం చేశారు.కష్టకాలంలో నిలబడ్డవాడే నిజమైన నాయకుడని చెప్పారు.ఇటీవల బీఆర్ఎస్ పార్టీని వీడిన ఎమ్మెల్యే దానం నాగేందర్( Danam Nagender ) గురించి తాను ఎక్కువగా మాట్లాడనని తెలిపారు.
దానం బీఆర్ఎస్( BRS ) కు వెన్నుపోటు పొడిచి కాంగ్రెస్ లోకి వెళ్లారని పేర్కొన్నారు.ఈ క్రమంలోనే దానంను అనర్హుడిగా ప్రకటించాలని స్పీకర్ ను వినతిపత్రం ఇచ్చామని వెల్లడించారు.
అంతేకాకుండా దానం విషయంలో అవసరం అయితే సుప్రీంకోర్టు వరకు అయినా వెళ్తామని తెలిపారు.ద్రోహం చేసిన నాయకులకు బుద్ధిచెప్పాలని స్పష్టం చేశారు.
