రాజన్న సిరిసిల్ల జిల్లాలో జరిగే పార్లమెంట్ ఎన్నికల నిర్వహణకు పోలింగ్ సిబ్బంది మొదటి దశ ర్యాండమైజేషన్ ప్రక్రియ పూర్తి చేసామని జిల్లా కలెక్టర్ జిల్లా ఎన్నికల అధికారి అనురాగ్ జయంతి అన్నారు.మంగళవారం సమీకృత జిల్లా కలెక్టరేట్ ఎన్.
ఐ .సి.వి.సి.హాల్ లో సంబంధిత అధికారులతో కలిసి ఎన్.ఐ .సి వారు రూపోందించిన సాఫ్ట్ వేర్ వినియోగిస్తూ ఆన్లైన్లో పోలింగ్ సిబ్బంది మొదటి దశ ర్యాండమైజేషన్ ప్రక్రియ నిర్వహించారు.జిల్లా కలెక్టర్, జిల్లా ఎన్నికల అధికారి అనురాగ్ జయంతి మాట్లాడుతూ
జిల్లాలో సిరిసిల్ల , వేములవాడ అసెంబ్లీ నియోజకవర్గాల పరిధిలో 560 పోలింగ్ కేంద్రాలు ఉన్నాయని, వీటిలో 674 ప్రిసైడింగ్ అధికారి,674 సహాయక ప్రిసిడింగ్ అధికారి,1348 ఓపిఓలు మొత్తం 2696 లను కేటాయించడం జరుగుతుందని అన్నారు.
ఎన్నికల కమిషన్ మార్గదర్శకాలు ప్రకారం 20% అదనంగా సిబ్బంది కేటాయింపు ప్రక్రియ చేపట్టామని తెలిపారు.ఈ సమావేశంలో సి.పి.ఓ శ్రీనివాస చారి ,డి.ఈ.ఓ ఈ.డి.ఎం శ్రీనివాస్ , సంబంధిత అధికారులు తదితరులు పాల్గొన్నారు.
