Mudragada Pawan Kalyan : అటు ముద్రగడ.. ఇటు పవన్ ! ఇంతకీ కాపులు ఎటు వైపు ? 

ముద్రగడ వైసీపీలో చేరడం దాదాపు ఖాయం అయింది.ఈ నెల 14 న ఆయన వైసీపీ లో చేరుతున్నారు.ఇక జనసేన ,టిడిపి తో పొత్తు పెట్టుకున్న నేపథ్యంలో , కాపు సామాజిక వర్గం( Kapu Social Category ) ఎటువైపు మొగ్గు చూపుతుంది అనేది ఆసక్తికరంగా మారింది.సినీ నటుడుగానే కాకుండా,  కాపు సామాజిక వర్గానికి బ్రాండ్ అంబాసిడర్ గా మారారు పవన్ కళ్యాణ్.

ముఖ్యంగా కాపు యువత అంతా పవన్ ను దైవంగానే చూస్తున్నారు.పవన్ ఏ పార్టీకి మద్దతు ఇచ్చినా పవన్ నిర్ణయాన్ని తూచా తప్పకుండా పాటించాలనే సిద్ధాంతంతోనే చాలామంది ఉన్నారు.

ఒకవైపు పవన్ కు ఉన్న క్రేజ్ కు జనసేనకు 21 సీట్లు మాత్రమే కేటాయించడం పై టిడిపి పై ఆగ్రహం ఉన్నా , జగన్ ను ఓడించడమే తన లక్ష్యం అని , మిగతా సంగతి తర్వాత అని పవన్ ప్రకటించడంతో పవన్ నిర్ణయాన్ని కాపు యువత అర్థం చేసుకున్నారు.

ఇప్పుడున్న యంగ్ జనరేషన్ అంతా జనసేనకు ,( Janasena ) ఆ పార్టీతో పొత్తు పెట్టుకున్న టిడిపి, బీజేపీ  కి మద్దతు ఇస్తారు అనడంలో సందేహం లేదు.  కానీ పాత జనరేషన్ కాపులు మాత్రం ముద్రగడ పద్మనాభం వెంట నడిచే అవకాశం ఉంది.ఎందుకంటే పవన్ ను ముఖ్యమంత్రి కానప్పుడు పరోక్షంగా చంద్రబాబును( Chandrababu Naidu ) ముఖ్యమంత్రి చేయాలనుకున్నడు పాత జనరేషన్  జనసేనకు మద్దతు ఇచ్చే అవకాశాలు తక్కువగానే కనిపిస్తున్నాయి.

  ముద్రగడ ఎప్పటి నుంచో కాపు రిజర్వేషన్ అంశంపై పోరాటాలు చేయడం,  నిజాయితీపరుడుగా పేరు ఉండడం వంటివి ఆ సామాజిక వర్గం లోను ఆయన పై కాస్త సానుకూలత ఉండేలా కనిపిస్తుంది.మొత్తంగా చూస్తే కాపులు రెండు గా చీలే అవకాశం ఎక్కువగా ఉంది.