నల్లగొండ జిల్లా:నిడమనూరు మండల కేంద్రం నుండి తుమ్మడం వెళ్లే ప్రధాన రహదారి మొత్తం గుంతల మయంగా మారడంతో వాహనదారులు,ప్రయాణికులు నరకం చూస్తున్నారు.తుమ్మడం పరిసర ప్రాంతాల గ్రామాల నుండి మండల కేంద్రానికి వివిధ రకాల పనుల మీద వందలాది మంది నిత్యం రాకపోకలు సాగిస్తుంటారు.
అసలే రోడ్డు అంతా గుంతలు పడి ఇబ్బంది పడుతుంటే అది చాలదన్నట్లు రోడ్డుకు ఇరువైపులా ఏపుగా పెరిగిన చెట్లు ఎదురుగా వచ్చే వాహనం కనిపించకుండా చేస్తున్నాయి.దీనితో ఎప్పుడు ఎక్కడ ఏ ప్రమాదం జరుగుతుందో తెలియక భయపడుతూ ప్రయాణం చేస్తున్నారు.
ఇప్పటికైనా అధికారులు స్పందించి రోడ్డుకు మరమ్మత్తులు చేపట్టి,రోడ్డుకు ఇరువైపులా పెరిగిన చెట్లను తొలగించాలని కోరుతున్నారు.
