నల్లగొండ జిల్లా:ఎంతో ప్రశాంతంగా ఉత్సాహాన్ని ప్రసాదించు శుభోదయం వేళ కమ్ముకుంటున్న భారీ పొగమంచు ఉమ్మడి నల్లగొండ జిల్లా( Nalgonda District ) వ్యాప్తంగా జనజీవనాన్ని అస్తవ్యస్తం చేసి ప్రమాద ఘంటికలు మోగిస్తుంది.
ఉదయం 9 గంటల వరకు పొగమంచు భారీగా కురుస్తుండడంతో పొద్దున్నే వ్యవసాయ పనులకు వెళ్ళే రైతులు, వివిధ పనులపై ఇతర ప్రాంతాలకు వెళ్లే ప్రజలు, వృత్తి,ఉద్యోగ,ఉపాధ్యాయ,వ్యాపారస్తులు తీవ్ర అవస్థలు పడుతున్నారు.
వాహనదారులకు దారి కనిపించకుండా మంచు కురుస్తుంది.దట్టమైన పొగమంచు( Fog ) కారణంగావాహనాల హెడ్ లైట్స్ వేసుకొని వచ్చినా కనిపించక ప్రమాదం జరిగే అవకాశం ఉండడంతో ప్రయాణం చేయాలన్నా, రోడ్డు దాటాలంటే వెన్నులో వణుకుపుడుతుందని పలువురు వాపోతున్నారు.
ఇదిలా ఉంటే నిత్యం జాగింగ్ కు వెళ్లేవారు కూడా ఇంటికే పరిమితమైతున్నారు.
