హైదరాబాద్ లో పేలుడు కలకలం చెలరేగింది.రాజేంద్రనగర్ లోని కరాచీ బేకరీలో సిలిండర్ బ్లాస్ట్ అయింది.
ఒక్కసారిగా భారీ శబ్ధంతో పేలుడు సంభవించిందని తెలుస్తోంది.ఈ ప్రమాదంలో సుమారు 15 మంది గాయాపడ్డారు.
వీరిలో పలువురి పరిస్థితి విషమంగా ఉందని సమాచారం.పేలుడు సమయంలో భారీ శబ్ధం రావడంతో స్థానిక ప్రజలు తీవ్ర భయాందోళనకు గురయ్యారు.
అనంతరం పోలీసులకు సమాచారం అందించారు.ఘటనా స్థలానికి చేరుకున్న పోలీసులు బాధితులను హుటాహుటిన సమీప ఆస్పత్రికి తరలించారు.
అనంతరం సిలిండర్ బ్లాస్ట్ కావడానికి గల కారణాలపై దర్యాప్తు చేస్తున్నారు.
