తెలంగాణలో కొత్త ప్రభుత్వం కొలువుదీరనుంది.ఈ మేరకు సర్కార్ ను ఏర్పాటు చేయడానికి కాంగ్రెస్ సిద్ధం అయింది.
ఇందులో భాగంగా మరికాసేపటిలో సీఎల్పీ సమావేశం కానుంది.ఎమ్మెల్యేలు సమావేశమై సీఎల్పీ నేతను ఎన్నుకోనున్నారు.
ఇప్పటికే గెలిచిన ఎమ్మెల్యేలు హైదరాబాద్ గచ్చిబౌలిలోని ఓ హోటల్ కు చేరుకున్నారని తెలుస్తోంది.మరోవైపు గవర్నర్ తమిళిసై సౌందర రాజన్ ను కలిసిన నేతలు ప్రభుత్వ ఏర్పాటుకు ఆహ్వానించాలని కోరారు.
సీఎల్పీ నేతగా రేవంత్ రెడ్డి పేరు వినిపిస్తోంది.తెలంగాణలో కాంగ్రెస్ పుంజుకోవడానికి, అధికారంలోకి రావడంలో రేవంత్ రెడ్డి పాత్ర ముఖ్యమైనదని.
ఈ క్రమంలోనే ఆయనకు ముఖ్యమంత్రి పీఠాన్ని అప్పజెప్పాలని యోచనలో ఉన్నారని తెలుస్తోంది.ఈ నేపథ్యంలో రేపు రేవంత్ రెడ్డి ప్రమాణ స్వీకారం చేసే అవకాశం ఉంది.
కుదరని పక్షంలో ఈనెల 6న ప్రమాణస్వీకార కార్యక్రమం జరిగే ఛాన్స్ ఉంది.కాగా ఈ ప్రమాణ స్వీకార కార్యక్రమానికి కాంగ్రెస్ అగ్రనేతలతో పాటు ఇతర రాష్ట్రాల ప్రముఖులు కూడా హాజరయ్యే అవకాశం ఉంది.
