టార్గెట్ నవంబర్ 19 .. ఎయిరిండియా విమానాన్ని పేల్చేస్తామన్న పన్నూ , రంగంలోకి కెనడా దర్యాప్తు ఏజెన్సీలు

ఈ నెల 19న ఎయిరిండియా విమానాన్ని పేల్చివేస్తామని పన్నూ హెచ్చరించాడు.ఆ రోజున సిక్కులెవరూ ఎయిరిండియా విమానాల్లో పర్యటించవద్దని సూచించాడు.అంతేకాదు.ఆ రోజున ఢిల్లీలోని ఇందిరా గాంధీ అంతర్జాతీయ విమానాశ్రయం మూసివేస్తామని.దాని పేరును మారుస్తామని పన్నూ హెచ్చరించాడు.అప్పట్లో ఈ వీడియో వైరల్ అయిన సంగతి తెలిసిందే.

దీనిపై కెనడా ప్రభుత్వం స్పందించింది.ఈ మేరకు కెనడా పోలీసులు దర్యాప్తు చేస్తున్నట్లు ఆ దేశ రవాణా శాఖ మంత్రి పాబ్లో రోడ్రిగ్జ్( Pablo Rodriguez ) తెలిపారు.

‘‘ఎయిరిండియా విమానానికి ఏ ముప్పు కలిగినా మా ప్రభుత్వం చాలా తీవ్రంగా పరిగణిస్తుంది.మా భాగస్వాములకు ఆన్‌లైన్‌లో చెలామణి అవుతున్న ఇటీవలి బెదిరింపులను పరిశీలిస్తున్నాము.

కెనడియన్లను సురక్షితంగా ఉంచడానికి అవసరమైన ప్రతిదాన్ని మేము చేస్తాము’’ అంటూ రోడ్రిగ్జ్ ట్వీట్ చేశారు.

అంతకుముందు .కొద్దిరోజుల క్రితం హిందువులంతా తక్షణం కెనడాను వదిలిపెట్టాల్సిందిగా పన్నూ సారథ్యంలోని ఎస్ఎఫ్‌జే హెచ్చరించింది.నిజ్జర్ హత్యకు గాను భారతదేశానికి మద్ధతుగా హింసను ప్రోత్సహించినందుకు కెనడాను విడిచిపెట్టాల్సిందిగా అల్టీమేటం జారీ చేసింది.

ఇక్కడున్న హిందువులు భారతదేశానికి మద్ధతు ఇవ్వడమే కాకుండా.ఖలిస్తాన్ మద్ధతుదారుల ప్రసంగాలు, వ్యక్తీకరణను అణిచివేసేందుకు ప్రయత్నిస్తున్నారని ఎస్ఎఫ్‌జే ఆరోపించింది.

ఎస్ఎఫ్‌జే వీడియోనే కాకుండా.కెనడాలోని భారత్‌కు చెందిన సీనియర్ దౌత్యవేత్తలకు బెదిరింపులు.

వారి పోస్టర్‌లు, గ్రాఫిటీలతో దేవాలయాలను అపవిత్రం చేసిన ఘటనలు ఈ వేసవి నుంచి భారీగా పెరిగాయి.ఈ చర్యలు కెనడాలో హిందూ ఫోబియా సమస్య తెరపైకి రావడదానికి దారి తీశాయి.

ఈ ఘటనలను కెనడాలో విపక్ష నేత పియరీ పొయిలీవ్రే ఖండించారు.