బీఆర్ఎస్ నేతలపై కాంగ్రెస్ సీనియర్ నేత షబ్బీర్ అలీ తీవ్రస్థాయిలో ధ్వజమెత్తారు.తనపై కావాలనే కుట్రపూరితంగా తప్పుడు ప్రచారాలు చేస్తున్నారని ఆయన మండిపడ్డారు.
తాను కామారెడ్డి నియోజకవర్గం నుంచి పోటీ చేయరంటూ వస్తున్న వార్తల్లో నిజం లేదని, ఈ క్రమంలో ఎటువంటి అనుమానాలు వద్దని షబ్బీర్ అలీ తెలిపారు.తాను పుట్టింది కామారెడ్డి గడ్డపై అన్న షబ్బీర్ అలీ తాను ఇక్కడి నుంచే కాంగ్రెస్ అభ్యర్థిగా పోటీ చేస్తానని ప్రకటించారు.
పదేళ్ల పాలనలో కామారెడ్డిలో ఒక్క హామీని కూడా నెరవేర్చని సీఎం కేసీఆర్ ఇక్కడ నుంచి ఎలా పోటీ చేస్తారని ప్రశ్నించారు.కేసీఆర్ కూడా పొలిటికల్ టూరిస్టు తరహాలోనే కామారెడ్డికి వచ్చారని విమర్శించారు.
