కాంగ్రెస్ పార్టీ ఈరోజు తెలంగాణ ( Telangana ) లో బస్సు యాత్ర ప్రారంభించబోతుంది.ఇక ఈ బస్సు యాత్రలో కాంగ్రెస్ నాయకులతోపాటు రాహుల్ గాంధీ,ప్రియాంక గాంధీ కూడా తెలంగాణ బస్సు యాత్రలో పాల్గొనబోతున్నారు.
అయితే ఇప్పటికే ఈ యాత్ర చాలా సార్లు వాయిదా పడుతూ వస్తుంది.మొదట్లో ఈ నెల 15 న కొండగట్టు నుండి బస్సు యాత్ర ప్రారంభం అవుతుంది అని వార్తలు వినిపించినప్పటికీ అది వాయిదా పడింది.
ఇక ఈరోజు సాయంత్రం ములుగు (Mulugu) జిల్లా నుండి ఈ యాత్ర ప్రారంభం కాబోతున్నట్టు తెలుస్తోంది.ఇదిలా ఉంటే తెలంగాణ లో కాంగ్రెస్ అధికారంలోకి రావడానికి ఈ బస్సు యాత్ర మొదలుపెట్టిన సంగతి తెలిసిందే మరి ఈ బస్సుయాత్రలో కాంగ్రెస్ నాయకులు ప్రజల మనసును దోచుకుంటారా.
అప్పటి సీన్ ఇప్పుడు మళ్ళీ రిపీట్ అవుతుందా అనే సంగతి ఇప్పుడు తెలుసుకుందాం.
2004 ఎన్నికల సమయంలో ఉమ్మడి ఆంధ్రప్రదేశ్ ( Andrapradesh ) రాష్ట్రంలో కాంగ్రెస్ బస్సు యాత్ర మొదలుపెట్టింది.ఇకఆ యాత్రలో అప్పటి సీనియర్ నాయకులతో పాటు వైయస్ రాజశేఖర్ రెడ్డి మిగిలిన వారందరూ ఓకే బస్సులో కూర్చుని వారి మధ్య ఉన్న విభేదాలను పక్కనపెట్టి బస్సు యాత్రను సక్సెస్ చేశారు.ఇక ఈ బస్సు యాత్రని అప్పటి ఉమ్మడి నల్గొండ జిల్లా భువనగిరి నుండి స్టార్ట్ చేశారు.
అలా స్టార్ట్ చేసినప్పుడు గ్రామాలలోని కూడళ్ల వద్ద ప్రసంగాలు పెట్టి కాంగ్రెస్ అధికారంలోకి వస్తే చేయబోయే పనుల గురించి వివరించి సక్సెస్ అయ్యారు.ఇక ఆ ఎన్నికల్లో వైయస్ రాజశేఖర్ రెడ్డి ( Y.S.Rajashekhar reddy ) కాంగ్రెస్ తరపున గెలిచి సీఎం అయ్యారు.అలాగే ఈ ఏడాది కర్ణాటక రాష్ట్రంలో కూడా ఎన్నికలు జరిగాయి.
ఇక ఆ ఎన్నికల్లో కాంగ్రెస్ ప్రభుత్వం అధికారంలోకి రావడానికి అక్కడ కూడా బస్సు యాత్రని ప్రారంభించి ప్రజల్లోకి నాయకులు వెళ్లి ప్రజల మనసులు గెలుచుకొని కర్ణాటకలో కాంగ్రెస్ ( Congress ) ప్రభుత్వాన్ని తీసుకువచ్చారు.అయితే తాజాగా తెలంగాణలో కూడా ఈ బస్సు యాత్రను ప్రారంభించబోతున్నారు.మరి ఇప్పుడు కాంగ్రెస్ బస్సు యాత్ర సెంటిమెంట్ వర్కౌట్ అవుతుందా.
మళ్ళీ తెలంగాణలో అధికారంలోకి కాంగ్రెస్ ప్రభుత్వం వస్తుందా అనేది ముందు ముందు తెలుస్తుంది.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
