యాదాద్రి భువనగిరి జిల్లా:తాజాగా విడుదలైన ఆర్మీ,పోలీస్ కానిస్టేబుల్ ఉద్యోగ పరీక్షల్లో యాదాద్రి భువనగిరి జిల్లా ఆత్మకూర్ (ఎం)( Atmakur(M) ) మండల కేంద్రానికి చెందిన పోలీస్ అభ్యర్థులు కోరే శివకుమార్,బత్తిని సునీత,ఎలగందుల దివ్య,వనం మహేష్, ఎలిమినేటి రమేష్,పైళ్ళ రమేష్,కందడి మైపాల్ రెడ్డి, బీసు నరేష్ ఎంపిక కావడం పట్ల గ్రామస్తులు హర్షం వ్యక్తం చేస్తున్నారు.తమ గ్రామానికి చెందిన10 మంది పోలీస్ రిక్రూట్మెంట్ లో ఒకేసారి ఎంపిక కావడం గ్రామానికి గర్వకారణమని భావించి శివాజీ యూత్ అసోసియేషన్ ఆధ్వర్యంలో వారిని శాలువాలతో సత్కరించి ఘనంగా సన్మానించారు.
ఈ సందర్భంగా శివాజీ యూత్ అసోసియేషన్( Shivaji Youth Association ) అధ్యక్షులు కోరే మల్లేశం, ప్రధాన కార్యదర్శి మజ్జిగ నరేష్ మాట్లాడుతూ క్రీడా మైదానంలో వారు కష్టపడిన ఫలితమే ఆర్మీ, పోలీస్ కానిస్టేబుల్ ఉద్యోగ సాధనకు మార్గం సుగమం చేసిందని,వారికి పేరెంట్స్, టీచర్స్ ప్రోత్సాహం తోడై విజయ శిఖరాలకు చేర్చిందన్నారు.ఉద్యోగం సాధించిన అభ్యర్థులు ఉత్తమ ప్రతిభతో విధి నిర్వహణ చేసి ఉన్నత శిఖరాలను అధిరోహించి, కుటుంబానికి,గ్రామానికి,జిల్లాకు మంచి పేరు తేవాలని కోరారు.
ఈ కార్యక్రమంలో ఎండి.అజీమ్,దీగోజు శ్రీనివాస్ చారి,మురారిశెట్టి వెంకటేశ్వర్లు,కోరే కుమార్, తవిటి వెంకటేశ్వర్లు,కోరే అశోక్,శిగ మల్లేష్,కోరె రాజు,పంజాల మధు, మహేష్,తొండల అనిల్, పంజాల రాజు,నాతి వినయ్,హరీష్ తదితరులు పాల్గొన్నారు.
