భారత సైన్యానికి చెందిన ప్రత్యేక దళాలు 2023, సెప్టెంబర్ 23న హిమాచల్ ప్రదేశ్( Himachal Pradesh )లోని బక్లోహ్లో హై-ఇంటెన్సిటీ మిలటరీ డ్రిల్లు నిర్వహించాయి.పారా స్పెషల్ ఫోర్స్ను అడ్వాన్స్డ్గా మార్చడానికి ఈ డ్రిల్లను నిర్వహించడం జరిగింది.
దీనికి సంబంధించిన వీడియో వైరల్ గా మారింది.అందులో ప్రత్యేక దళాలు ఆకాశంలో అబ్బురపరిచే వైమానిక సైనిక విన్యాసాలు చేయడం చూడవచ్చు.
వారికి సరికొత్త ఆయుధాలు, సామగ్రిని అందించే ప్రయత్నంలో భాగంగా ఈ కసరత్తులు జరిగాయి.ఆపరేషన్లో ఎలాంటి సవాలునైనా ఎదుర్కొనేందుకు ప్రత్యేక బలగాలకు ఇండియన్ ఆర్మీ అధికారులు శిక్షణ ఇస్తున్నారు.
హిమాచల్ ప్రదేశ్లోని బక్లోహ్లో( BAKLOH ) స్పెషల్ ఫోర్సెస్ ట్రైనింగ్ స్కూల్లో భారత సైన్యం( Indian Army ) నిలువుగా ఉండే విండ్ టన్నెల్ను కూడా ఏర్పాటు చేసింది.వైమానిక కార్యకలాపాలలో ఎదురయ్యే ప్రతి పరిస్థితిని అధిగమించేలా స్పెషల్ ఫోర్సెస్ సైనికులకు శిక్షణ ఇవ్వడానికి ఇండియన్ ఆర్మీ( Indian Army ) నిలువుగా ఉండే గాలి సొరంగాన్ని ఉపయోగించడం ఇదే మొదటిసారి.ఈ శిక్షణలో వైద్యం నుంచి ఆయుధాల వరకు అన్నీ ఉంటాయని ఆర్మీ అధికారి ఒకరు తెలిపారు.ఈ శిక్షణ ఉగ్రవాదులను ఎదుర్కోవడానికి, పోరాడటానికి ఒక ముందడుగు అని అన్నారు.
గాయపడిన జట్టు సభ్యునికి ఎక్కువసేపు వైద్య సహాయం అవసరమని మరొక ఆర్మీ సిబ్బంది చెప్పారు.అందువల్ల, వీలైనంత త్వరగా గాయానికి ఎలా చికిత్స చేయాలో నేర్చుకోవడం మంచిదన్నారు.ఆ కారణంతో స్పెషల్ ఫోర్సెస్ సైనికుల శిక్షణలో వైద్యంలో కూడా ట్రైనింగ్ ఇస్తున్నామని తెలిపారు.కంబ్యాట్ ఫ్రీ-ఫాల్ శిక్షణ సమయంలో, వారు ఆకాశంలో ఎదురయ్యే ఫ్రీఫాల్ కోసం వివిధ రకాల వేగాన్ని అనుకరించగలరని ఆయన వెల్లడించారు.
వర్టికల్ విండ్ టన్నెల్ అనేది కంబ్యాట్ ఫ్రీ-ఫాల్కు శిక్షణ ఇవ్వడానికి మాత్రమే కాకుండా ప్రాణాలను రక్షించే సాధనంగా నిలుస్తుందని పేర్కొన్నారు.
Indian Army is focusing on the modernisation of the Para Special Forces and providing them latest weapons and other equipment. The Special Forces have been carrying out various training activities to be ready to face any possible challenge in operations: Indian Army officials… pic.twitter.com/feXCGuaEKx
— ANI (@ANI) September 22, 2023
