2023 ఎంఎఫ్1( 2023 MF1 Asteroid ) అనే గ్రహశకలం ఈరోజు అంటే జూన్ 25న భూమిని సమీపిస్తోంది.ఇది దాదాపు 120 అడుగుల పరిమాణంలో చాలా పెద్దగా ఉంటుంది.
ఇది మన గ్రహానికి చాలా దగ్గరగా వస్తుందని నాసా( NASA ) కొద్ది గంటల క్రితమే ప్రకటించింది.దీంతో ఇవాళ అతిపెద్ద గండం ఉంటుందేమోనని సామాన్య ప్రజలు హడలిపోతున్నారు.
అయితే ఆందోళన చెందాల్సిన అవసరం లేదని అంతరిక్ష పరిశోధనా సంస్థ నాసా తెలిపింది.దీనిపై నిఘా పెట్టామని వెల్లడించింది.
నాసా టీమ్ NEO అబ్జర్వేషన్స్ ప్రోగ్రామ్‌తో భూమికి దగ్గరగా వస్తున్న గ్రహశకలాల( Asteroids ) వంటి వస్తువులను గుర్తించడం, పర్యవేక్షించడం వంటి పనులు చేస్తుంది.వారు ఈ గ్రహశకలాల గురించి సమాచారాన్ని సేకరించేందుకు టెలిస్కోప్‌లు, రేడియో టెలిస్కోప్‌ల వంటి అధునాతన సాంకేతికతను ఉపయోగిస్తారు.
గ్రహశకలం 2023 ఎంఎఫ్1 జూన్ 19న నాసా నిఘాకి చిక్కింది.ఇది ఏటెన్ అనే సమూహానికి చెందినదని నాసా అధికారులు గుర్తించారు.ఈ గ్రహశకలం సూర్యుని చుట్టూ ఒకసారి తిరగడానికి దాదాపు 297 రోజులు పడుతుంది.ఈ గ్రహశకలం భూమికి సాపేక్షంగా 1.2 మిలియన్ మైళ్ల దూరంలో వచ్చినప్పటికీ, నాసా దానిని ప్రమాదకరమైన గ్రహశకలంగా పరిగణించలేదు.ప్రమాదకర గ్రహశకలాలు సాధారణంగా చాలా పెద్దవి, కనీసం 150 మీటర్ల పరిమాణంలో ఉంటాయి.ఇవి భూమికి 4.6 మిలియన్ మైళ్ల దూరంలో ఉంటాయి.
ఈ గ్రహశకలాల కదలికలను ట్రాక్ చేయడం చాలా ముఖ్యం.నాసా, ఇతర అంతరిక్ష సంస్థలు గ్రహశకలాలు ముందుగా అంచనా వేసిన మార్గంలోనే వెళ్తున్నాయా అనే విషయాన్ని నిరంతరం పర్యవేక్షిస్తూనే ఉంటాయి.ఆస్టరాయిడ్ కక్ష్యలో చిన్నపాటి మార్పు వచ్చినా అది భూమిని ఢీకొట్టే అవకాశం ఉందని, ఇది చాలా ప్రమాదకరమని శాస్త్రవేత్తలు చెబుతుంటారు.అందుకే వారు మనల్ని సురక్షితంగా ఉంచడానికి ఈ గ్రహశకలాలను అధ్యయనం చేయడానికి, అర్థం చేసుకోవడానికి తీవ్రంగా కృషి చేస్తారు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
