కాపుల మద్దతు పై జనసేన ధీమా .. ఆ పార్టీ కి టెన్షన్ ?

మిగతా రాష్ట్రాల్లో ఎలా ఉన్నా, ఏపీలో మాత్రం  కుల రాజకీయాల ప్రభావం ఎక్కువగా ఉంటుంది.

ఎన్నికల్లో గెలుపును డిసైడ్ చేయగల సామర్థ్యం ఉన్న కొన్ని కులాలపై రాజకీయ పార్టీలు( Political parties ) ప్రత్యేకంగా మద్దతు పొందితే తమకు తిరుగు ఉండదనే లెక్కల్లో ఉన్నాయి.

ముఖ్యంగా జనసేన టిడిపిలు ఈ ఓట్లపై ఎక్కువగా ఆధారపడ్డాయి.జనసేన అధినేత పవన్ కళ్యాణ్( Pawan kalyan ) అభిమానులంతా పవన్ నాయకత్వాన్ని కోరుకుంటూ ఉండడంతో, జనసేన( Janasena ) ఎక్కువగా ఆ సామాజిక వర్గం పైనే ఆశలు పెట్టుకుంది.

అయితే 2019 ఎన్నికల్లో కాపు సామాజిక వర్గం ఎక్కువగా వైసీపీకి మద్దతు తెలపడంతో ,టిడిపి జనసేనలు ఘోరంగా ఓటమి చెందాయి.వచ్చే ఎన్నికల్లో ఆ పరిస్థితి తలెత్తకుండా ముందుగానే జనసేన అధినేత పవన్ కళ్యాణ్ అలెర్ట్ అయిపోయారు.

దీనిలో భాగంగానే కాపు సామాజిక వర్గంలో సెంటిమెంటును రగిల్చే ప్రయత్నం చేశారు.కాపులంతా ఐక్యంగా ఉండాలని పిలుపునిస్తూనే  సీఎం క్యాండిడేట్ తాను ఎలా అవుతానని, పార్టీ శ్రేణులను ప్రశ్నిస్తున్నారు.2019 ఎన్నికల్లో స్వయంగా తనని ఓడించినప్పుడు తాను సీఎం పోస్టు కోసం ఎలా పట్టు పెట్టగలను అని ప్రశ్నిస్తున్నారు.