సోషల్ మీడియాలో ఒక షాకింగ్ వీడియో వైరల్ అవుతోంది.ఈ వీడియోలో ఒక చిన్నారిపై ఒక భారీ అమెరికన్ అడవి దున్న ( Bison ) హింసాత్మకంగా దాడి చేసింది.
ఈ సంఘటన చూసి షాక్ అవడం అందరి వంతు అయింది.దీనికి సంబంధించి టెర్రిఫైయింగ్ నేచర్ ( Terrifying nature )అనే పేజీ ట్విట్టర్‌లో షేర్ చేసిన వీడియో వైరల్ గానూ మారింది.
ఈ వీడియో పదుల సంఖ్యలో ప్రజలు తిరుగుతున్న ప్రాంతంలో ఆ దున్నపోతు శాంతియుతంగా మేస్తున్నట్లు చూపిస్తుంది.
వీడియోలో కనిపించినట్లుగా.అలా మేస్తూనే అది అకస్మాత్తుగా పైకి చూసి, ముందుకు దూసుకుపోతుంది.కళ్ళు మూసి తెరిచేలోగా ఆ భారీ దున్నపోతు తన తలతో ఒక చిన్నారిని గాలిలోకి చాలా అడుగుల దూరం విసిరింది.
ఇది చూసి అక్కడే ఉన్న కొంతమంది చిన్నారులు భయంతో పరుగులు తీశారు.ఈ వీడియో క్లిప్‌ను “బైసన్ అటాక్స్ చైల్డ్” ( Bison Attacks Child )అనే టైటిల్‌తో ట్విట్టర్ పేజీ టెర్రిఫైయింగ్ నేచర్ షేర్ చేసింది.
వీడియో చూస్తుంటే ఆ చిన్నారికి తీవ్ర గాయాలు తగిలినట్లు స్పష్టమవుతుంది.ఈ శారీరక గాయాలే కాకుండా ఆ బాలిక ఈ ఎటాక్ వల్ల మానసికంగా చాలా డిస్టర్బ్ అయి ఉంటుంది.
ముఖ్యంగా ఆమెలో భయం విపరీతంగా పెరిగి ఉంటుంది.
బైసన్ అనేది చాలా దూకుడుగా ఉండే ఒక అడవి జంతువు దీనిని ఎవరూ కూడా పెంచరు.ఎక్కువగా ఉత్తర అమెరికాలో( North America ) కనిపించే ఈ బర్రెలను కొన్ని సందర్భాలలో బంధిస్తారు.అనూహ్య ప్రవర్తన కలిగిన వీటికి దగ్గరలో ఉన్నప్పుడు జాగ్రత్తలు తీసుకోవడం చాలా ముఖ్యం.
ముఖ్యంగా తల్లిదండ్రులు పిల్లలను వీటి దగ్గరకు అసలు పంపించకూడదు.
