ఈ మధ్య ప్రేక్షకుల ఆలోచన విధానంలో చాలా మార్పు రావడం వల్ల సినిమాలో కంటెంట్ ఉంటే ఎంత చిన్న సినిమాను అయిన బిగ్గెస్ట్ హిట్ గా నిలుపుతున్నారు.అదే కంటెంట్ లేకపోతే స్టార్ హీరోల సినిమాలను కూడా అట్టర్ ప్లాప్ చేస్తున్నారు.
దీంతో చిన్న హీరోలు కూడా మంచి కంటెంట్ తో వచ్చి పాన్ ఇండియా వ్యాప్తంగా గుర్తింపు పొందుతున్నారు.
ఇక తెలుగులో యంగ్ అండ్ టాలెంటెడ్ హీరోల్లో నిఖిల్ ( Nikhil Siddharth ) ఒకరు.ఈయన కూడా ఇలాంటి కంటెంట్ ఓరియెంటెడ్ సినిమాలతో వచ్చి పాన్ ఇండియా వ్యాప్తంగా గుర్తింపు తెచ్చుకున్నాడు. నిఖిల్ కార్తికేయ 2 ( Karthikeya 2 ) సినిమాతో బ్లాక్ బస్టర్ విజయం సాధించి తనకంటూ ఫ్యాన్ ఫాలోయింగ్ ను పెంచుకున్నాడు.
ఆ తర్వాత వచ్చిన 18 పేజెస్ (18 Pages) కూడా మంచి విజయం సాదించింది.
ఇలా వరుస విజయాలతో మంచి జోరు మీద ఉన్న నిఖిల్ ఇప్పుడు కొత్త చిత్రంతో త్వరలోనే మళ్ళీ ప్రేక్షకుల ముందుకు రాబోతున్నాడు.నిఖిల్ పాన్ ఇండియా వ్యాప్తంగా నటిస్తున్న లేటెస్ట్ మూవీ ”స్పై”( SPY ).యాక్షన్ థ్రిల్లర్ గా బీ హెచ్ గ్యారీ ( Garry BH ) దర్శకత్వంలో తెరకెక్కుతున్న ఈ సినిమాలో ఐశ్వర్య మీనన్ హీరోయిన్ గా నటిస్తుంది.
అలాగే ఈ సినిమాను ఇడి ఎంటర్టైన్మెంట్స్ బ్యానర్ మీద నిర్మిస్తున్నారు.ఆర్యన్ రాజేష్ కూడా కీలక పాత్రలో నటిస్తున్న ఈ సినిమాకు శ్రీ చరణ్ పాకాల సంగీతం అందిస్తున్నారు.ఈ పాన్ ఇండియన్ సినిమాపై ఇప్పటికే మంచి అంచనాలు నెలకొన్నాయి.ఇదిలా ఉండగా ఈ సినిమా నుండి ఈ రోజు బ్లాస్టింగ్ అప్డేట్ రాబోతుంది అని నిఖిల్ సోషల్ మీడియా వేదికగా చెప్పాడు.
దీంతో ఎలాంటి అప్డేట్ వస్తుందో అని ఆయన ఫ్యాన్స్ ఆసక్తిగా ఎదురు చూస్తున్నారు.మరి ఈ సినిమాతో నిఖిల్ హ్యాట్రిక్ విజయాన్ని తన ఖాతాలో వేసుకుంటాడో లేదో చూడాలి.
