పర్యావరణానికి అనుకూలమైనవనే ఉద్దేశంతో ప్రస్తుతం ఎక్కువగా ఎలక్ట్రిక్ వాహనాలను( Electric vehicles ) కొనుగోలు చేస్తున్నారు.దీంతో పలు అంకుర సంస్థలు ఎలక్ట్రిక్ వాహనాలను తయారు చేస్తున్నాయి.
చాలా దేశాల ప్రభుత్వాలు కూడా ఎలక్ట్రిక్ వాహనాలను వినియోగించాలని భావిస్తున్నాయి.ఈ తరుణంలో ప్రముఖ పర్యాటక దేశమైన ఫ్రాన్స్లోని పారిస్ నగరం కీలక నిర్ణయం తీసుకుంది.
అక్కడ రెంట్ ఎలక్ట్రిక్ వాహనాలను వాడకూడదని నిర్ణయించింది.అద్దె ఎలక్ట్రిక్ స్కూటర్లపై ప్రజాభిప్రాయ సేకరణలో పాల్గొన్న అధిక సంఖ్యలో పారిస్ వాసులు ( Parisians )ఫ్రెంచ్ రాజధాని వీధుల్లో వాటిని నిషేధించాలని ఓటు వేశారు.
ఇది ఒకప్పుడు సౌకర్యవంతంగా, వాతావరణానికి అనుకూలమైనదిగా భావించబడింది.ప్రజా-రవాణా ప్రత్యామ్నాయంగా దీనిని పరిగణించారు.
కానీ ఇప్పుడు పరిస్థితి మారుతోంది.
ప్రజాభిప్రాయ సేకరణలో కేవలం లక్ష మంది పారిస్ ప్రజలు మాత్రమే అద్దె ఎలక్ట్రిక్ వాహనాలకు అనుకూలంగా ఓటు వేశారు.దాదాపు 89 శాతం మంది నిషేధానికి మద్దతు ఇచ్చారు.దాదాపు 16 సంవత్సరాల క్రితం ప్రపంచంలోని మొట్టమొదటి సిటీ-రన్ బైక్-షేరింగ్ ప్రోగ్రామ్ను( city-run bike-sharing program ) రూపొందించింది.
అయితే ప్రస్తుతం ఎలక్ట్రిక్ స్కూటర్లను నిషేధించిన మొదటి నగరంగా నిలిచింది.రెఫరెండం తమకు వ్యతిరేకంగా జరిగినట్లు తాము భావిస్తున్నామని స్కూటర్ కంపెనీలు చెబుతున్నాయి.పారిస్ మారథాన్ రోజున ఓటింగ్ జరిగింది.ఇందులో అనేక మంది యువ పారిసియన్లతో సహా 35,000 మంది రన్నర్లు పాల్గొన్నారు.
నగర అధికారులు చాలా కాలంగా సైకిళ్లకు ప్రాధాన్యతనిస్తూ ఉన్నారు.అయితే ఇటీవల కాలంలో ఎలక్ట్రిక్ వాహనాలకు ప్రాధాన్యత పెరగడంతో తాజాగా రెఫరెండం పెట్టారు.
దీంతో ఎలక్ట్రిక్ వాహనాల కంటే సైకిల్స్ మేలనే భావనలో ప్రజలు ఉన్నారు.
తెలుగు NRI వార్త విశేషాలు సులభముగా తెలుసుకోండి!!!!
