టేనస్సీలోని నాష్‌విల్లేలోని ప్రైమరీ స్కూల్‌లో( Nashville School ) సోమవారం ఉదయం జరిగిన కాల్పుల్లో ముగ్గురు చిన్నారులు సహా ఆరుగురు చనిపోయారు.ప్రీస్కూల్ నుంచి ఆరవ తరగతి వరకు సుమారు 200 మంది విద్యార్థులు ఉన్న ప్రైవేట్ ప్రెస్బిటేరియన్ పాఠశాల అయిన ది కవనెంట్ స్కూల్‌లో( The Covenant School ) ఈ సంఘటన జరిగింది.
తొమ్మిదేళ్లు ఉన్న ముగ్గురు పిల్లలు, ముగ్గురు పెద్దలు షూటర్ కాల్పుల్లో చంపబడ్డారు.దాడి చేసిన షూటర్ పేరు ఆడ్రీ ఎలిజబెత్ హేల్‌( Audrey Elizabeth Hale ) (28)గా గుర్తించారు.
ఘటనా స్థలంలోనే ఆమెను పోలీసులు చంపేశారు.
నాష్‌విల్లే పోలీసు చీఫ్ జాన్ డ్రేక్ ప్రకారం, షూటర్ ముందుగానే దాడికి ప్లాన్ చేసింది.
ఆమె పాఠశాల మ్యాప్‌లను గీసింది, అందులో నిఘా, ఎంట్రీ పాయింట్ల వివరాలు ఉన్నాయి.కాల్పుల తేదీకి సంబంధించిన మ్యానిఫెస్టో, ఇతర వివరాలను కూడా పోలీసులు కనుగొన్నారు.షూటర్ వద్ద రెండు AR-స్టైల్ ఆయుధాలు, ఒక రైఫిల్, మరొకటి AR-స్టైల్ పిస్టల్, హ్యాండ్ గన్ను ఉన్నాయి.వీటిలో రెండు ఆయుధాలు స్థానిక ప్రాంతంలో చట్టబద్ధంగా లభించి ఉండవచ్చని పోలీసులు భావిస్తున్నారు.
స్థానిక కాలమానం ప్రకారం ఉదయం 10:13 గంటలకు పోలీసులు సంఘటనా స్థలానికి చేరుకుని పాఠశాల రెండో అంతస్తులో కాల్పులు జరిపిన ఆమెపై కాల్పులు జరిపారు.షూటర్ పక్క ప్రవేశ ద్వారం గుండా పాఠశాలలోకి ప్రవేశించి మొదటి అంతస్తు నుంచి రెండో అంతస్తుకు వెళ్లింది.ఆమె వద్ద రెండు తుపాకీలు ఉన్నాయి.పోలీసు అధికారులు షూటర్‌తో ఎదురుదాడికి దిగారు.ఉదయం 10:27 గంటలకు ఆమె చనిపోయింది.
మరోవైపు బాధితులను వాండర్‌బిల్ట్‌లోని మన్రో కారెల్ జూనియర్ పిల్లల ఆసుపత్రికి తీసుకెళ్లారు, అక్కడ వారు చనిపోయినట్లు ప్రకటించారు.హత్యకు గురైన ముగ్గురు చిన్నారులు తొమ్మిదేళ్ల వారే.పెద్ద వయసున్న బాధితులందరూ 60 ఏళ్లు పైబడిన వారు, అయితే పాఠశాలలో వారి వర్క్ ఏంటి అనేది ఇంకా తెలియలేదు.
