రాపాక దొంగ ఓట్లు .. ఎవరికి ముప్పు !

పార్టీ అధ్యక్షుడు పవన్ పోటీ చేసిన రెండు స్థానాల్లో ఓడిపోయినప్పటికి.రాజోలు నుంచి పోటీ చేసిన రాపాక మాత్రం గెలుపొందారు.ఆ టైమ్ లోనే రాపాక గెలుపుపై ఎన్నో సందేహాలు పెల్లుబుక్కాయి.అధ్యక్షుడికే తప్పని ఓటమి.రాపాక మాత్రం ఎలా గెలుపొందారనే సందేహం అందరిలోనూ వ్యక్తమైంది.ఇప్పుడు తన గెలుపుపై వ్యాఖ్యలు చేస్తూ దొంగ ఓట్లతో గెలిచానని రాపాక చెప్పడం గమనార్హం.

అయితే రాపాక తన మనసులోని మాట వెళ్ళగక్కారా ? లేదా యాదృద్చికంగా చెప్పుకొచ్చారా ? అనే సంగతి పక్కన పెడితే.తనకు తాను నోరు జారీ సెల్ఫ్ గోల్ వేసుకున్నారని పోలిటికల్ సర్కిల్స్ లో గుసగుసలు వినిపిస్తున్నాయి.

రాపాక చేసిన వ్యాఖ్యలు వైసీపీని ఇరకాటంలో పెట్టె విధంగానే ఉన్నాయని కొందరు విశ్లేషకులు భావిస్తున్నారు.ఎందుకంటే ప్రస్తుతం రాపాక వైసీపీలో ఉన్న కారణంగా వచ్చే ఎన్నికల్లో రాపాక దొంగ ఓట్ల వ్యవహారం పార్టీకి తలనొప్పిగా మారే అవకాశం ఉంది.