ఆ నదిలోని నీటిని ముట్టుకోవాలంటే భ‌ప‌డిపోతారు...ఆ న‌ది ఎక్క‌డ‌ మీకు తెలుసా?

నదులను జీవ జ‌లాలు అని కూడా అంటారు.మన దేశంలో నదులను తల్లి అని కూడా గౌర‌విస్తారు.

పండుగలలో ఈ నదులను కూడా పూజిస్తారు.దీనికి విరుద్ధంగా మ‌న‌దేశంలోనే శాపగ్రస్త‌మైన‌దిగా పిలువబడే ఒక నది ఉంది.

ఈ నది గురించి స్థానికుల‌లో చాలా భయం ఉంది.వారు ఈ నది నీటిని కూడా ముట్టుకోలేరు.

నది నీటిని తాకడం అశుభమని వారి నమ్మకం.ఆ నది పేరు కర్మనాశ నది.

ఇది ఉత్తరప్రదేశ్ రాష్ట్రంలో ఉంది.

ఈ నది ఉత్తరప్రదేశ్ మరియు బీహార్ గుండా ప్రవహిస్తుంది, అయితే ఇందులో ఎక్కువ భాగం యూపీలో క‌నిపిస్తుంది.

యూపీలోని సోన్‌భద్ర, చందౌలీ, వారణాసి మరియు ఘాజీపూర్‌లలో ప్రవహించి బక్సర్ దగ్గరకు చేరుకుని గంగానదిలో కలుస్తుంది.నది పేరు కర్మ మరియు నాశ అనే రెండు పదాలతో రూపొందింది.

దాని సాహిత్యపరమైన అర్థాన్ని తీసుకుంటే, అది క‌ర్మ‌ను నాశనం చేసే లేదా పాడుచేసే నది అని అర్థం.ప్రజలు కూడా ఈ నది గురించి అదే ఆలోచన చేస్తారు.

కర్మనాస నది నీటిని తాకడం వల్ల అశుభం జ‌రుగుతుంద‌ని చాలామంది నమ్ముతారు.దాని నీటిని తాకడం ద్వారా మంచి పనులు కూడా అశుభ‌మ‌వుతాయ‌ని నమ్ముతారు.

ఈ కారణంగా ప్రజలు ఆ నీటిని తాకడానికి సాహ‌సించ‌రు.వారు దాని నీటిని ఏ పనికి ఉపయోగించరు.

కర్మనాస నది శాపం వెనుక ఒక పురాణ గాథ ఉంది.హరిశ్చంద్ర రాజు తండ్రి సత్యవ్రతుడు ఒకసారి తన శరీరంతో స్వర్గానికి వెళ్లాలనే కోరికను తన గురువైన వశిష్ఠునికి తెలిపాడని చెబుతారు.అతని కోరిక తీర్చడానికి గురువు నిరాకరించాడు.అప్పుడు రాజు సత్యవ్రతుడు గురువైన విశ్వామిత్రునికి అదే విన్నపం చేస్తాడు.విశ్వామిత్రుడు వశిష్ఠునితో శత్రుత్వం కలిగి ఉన్నాడు, ఈ కారణంగా అతను తన తపస్సు బలంతో సత్యవ్రతుని భౌతికంగా స్వర్గానికి పంపిస్తాడు.అది చూసిన ఇంద్రదేవునికి కోపం వచ్చి రాజును భూమి మీదకు పంపిస్తాడు.

దీని తరువాత విశ్వామిత్రుడు తన తపస్సుతో రాజును స్వర్గానికి మరియు భూమికి మధ్య నిలిపి, ఆపై దేవతలతో యుద్ధం చేస్తాడు.

రాజు సత్యవ్రతుడు ఆకాశంలో తలక్రిందులుగా వేలాడుతుంటాడు.దాని కారణంగా అతని నోటి నుండి లాలాజలం కారడం ప్రారంభ‌మ‌వుతుంది.లాలాజలం పడిపోవడం వల్ల ఈ నది ఏర్పడింద‌ని చెబుతారు.

అప్పుడు గురువైన వశిష్టుడు సత్యవ్రతుడిని చండాలుడుగా మార‌మ‌ని శపిస్తాడు.ఇలా లాలాజలం నుండి నది ఏర్పడటం మరియు రాజు పొందిన శాపం కారణంగా ఈ నది శాపగ్రస్తమైందని స్థానికులు నమ్ముతారు.