మాస్ మహారాజా రవితేజ హీరోగా శ్రీలీల హీరోయిన్ గా నటించిన లేటెస్ట్ బ్లాక్ బస్టర్ సినిమా ‘ధమాకా’.ఈ సినిమా మొన్న క్రిస్మస్ కానుకగా రిలీజ్ అయ్యిన విషయం విదితమే.
పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు కలిసి నిర్మించిన ఈ మూవీకి భీమ్స్ సిసిరోలియో మ్యూజిక్ అందించారు.డిసెంబర్ 23న రిలీజ్ అయిన ఈ సినిమా అన్ని ఏరియాల్లో మంచి కలెక్షన్స్ తో దూసుకు పోతుంది.
రవితేజ క్రాక్ వంటి సూపర్ హిట్ తర్వాత రెండు భారీ డిజాస్టర్స్ ఎదుర్కున్న విషయం తెలిసిందే.ఇప్పుడు ఆ డిజాస్టర్స్ కు బదులు తీర్చుకుంటున్నాడు.ఈ భారీ డిజాస్టర్స్ ను మరిపించే బ్లాక్ బస్టర్ హిట్ ను ధమాకా తో అందుకున్నాడు మాస్ రాజా.త్రినాథరావు నక్కిన దర్శకత్వంలో తెరకెక్కిన ఈ సినిమా రికార్డ్ కలెక్షన్స్ రాబడుతూ దూసుకు పోతుంది.
ఈ క్రమంలోనే ఈ సినిమా పెద్ద విజయం సాధించినందుకు హైదరాబాద్ జెఆర్సీ కన్వెన్షన్ సెంటర్ లో ధమాకా మాస్ మీట్ ఏర్పాటు చేశారు.మరి ఈ మాస్ మీట్ లో రవితేజ మాట్లాడుతూ ఇంట్రెస్టింగ్ విషయాలు పంచుకున్నారు.
ఈ సినిమా సక్సెస్ కు ముఖ్య కారణం మ్యూజిక్ డైరెక్టర్ భీమ్స్ అని తాను ఇచ్చిన సాంగ్ లతో పాటు బ్యాక్ గ్రౌండ్ మ్యూజిక్ కూడా అదిరిపోయింది అని తెలిపాడు.
త్రినాథరావు ఎక్కడ ఉంటే అక్కడ ఫుల్ ధమాకానే అని ఈ సినిమా డబుల్ హ్యాట్రిక్ కి శ్రీకారం చుట్టారని రాబోయే రోజుల్లో ఈయన డబుల్ హ్యాట్రిక్ పూర్తి చేయాలని కోరుకుంటున్నారు.ఇక నిర్మాతలు కూడా ఈ సినిమాను గ్రాండ్ గా నిర్మించారు.నా సినిమాలను ఇంతగా ఆదరిస్తున్న తముళ్ళకు, ప్రేక్షకులకు ధన్యవాదాలు.
రెండేళ్ల తర్వాత ధమాకాతో పండుగ వచ్చింది.ఇక నుండి ప్రతి ఏడాది మనకు పండుగలు రావాలని.
నన్ను ఇలాగె ఆదరించాలని కోరుకుంటున్నాను అంటూ చెప్పుకొచ్చాడు.
