కోలీవుడ్ స్టార్ హీరోల్లో విజయ్ దళపతి ఒకరు.ప్రెజెంట్ విజయ్ చేస్తున్న సినిమా ‘వారిసు’.
ఈ సినిమాను తెలుగు డైరెక్టర్ వంశీ పైడిపల్లి తెరకెక్కిస్తున్నాడు.విజయ్ దళపతి నేషనల్ క్రష్ రష్మిక మందన్న హీరో హీరోయిన్లుగా నటిస్తున్న ఈ సినిమాను ‘వారసుడు’ అనే టైటిల్ తో తెలుగులో రిలీజ్ చేయనున్నారు.
ఇప్పటి వరకు అయితే తమిళ్ లో అంచనాలు పీక్స్ కు చేరుకోగా తెలుగులో మాత్రం అంతంత మాత్రంగానే బజ్ వచ్చింది.
అందులోను సంక్రాంతి కానుకగా ఈ సినిమాను రిలీజ్ చేయాలని మేకర్స్ ప్లాన్ చేయడం అదే సంక్రాంతికి మన తెలుగు హీరోలు చిరు, బాలయ్య తమ సినిమాలతో బరిలోకి దిగుతుండడం వల్ల ఈ సినిమాకు మన తెలుగు రాష్ట్రాల్లో అంతగా బజ్ క్రియేట్ అవ్వలేదు.
అయితే ఈ సినిమా రిలీజ్ డేట్ దగ్గర పడుతుండడంతో ప్రొమోషన్స్ కూడా స్టార్ట్ చేసారు.
ఈ సినిమా నుండి వచ్చిన ప్రమోషనల్ కంటెంట్ ప్రేక్షకులను బాగా ఆకట్టు కుంటుంది.
అలాగే సాంగ్స్ విషయంలో అయితే ఫ్యాన్స్ నుండి అనూహ్య స్పందన లభిస్తుంది.ఇక తాజాగా ఈ సాంగ్ నుండి వచ్చిన సౌల్ సాంగ్ మరింత రెస్పాన్స్ అందుకుంటుంది.
ఈ పాటను కె ఎస్ చిత్ర గారు ఆలపించారు.అయితే తాజాగా ఈ సాంగ్ సరికొత్త రికార్డ్ క్రియేట్ చేసింది.
ట్విట్టర్ ఫేమస్ ఛార్ట్స్ బిల్ బోర్డులో ఎన్నో ఇంటర్నేషనల్ సాంగ్స్ ను దాటి నెంబర్ 1 స్థానంలో ట్రెండ్ అవుతుంది.
ఇది మాత్రం మాములు విషయం కాదు అనే చెప్పాలి.ఈ విషయం తాజాగా మేకర్స్ సోషల్ మీడియా వేదికగా పోస్ట్ చేస్తూ తమ ఆనందం వ్యక్తం చేస్తున్నారు.ఇక ఈ సినిమాకు థమన్ అద్భుతమైన సంగీతం అందిస్తూ మరింత ప్లస్ అయ్యేలా చేస్తున్నాడు.
ఇక ఈ క్రేజీ సినిమాను దిల్ రాజు భారీ స్థాయిలో శ్రీ వెంకటేశ్వరా క్రియేషన్స్ బ్యానర్ పై పాన్ ఇండియా సినిమాగా నిర్మిస్తున్నాడు.జనవరి 12న ఈ సినిమా పాన్ ఇండియా వ్యాప్తంగా రిలీజ్ కాబోతుంది.
