బుల్లితెర రియాలిటీ షో బిగ్ బాస్ షో సీజన్6 విన్నర్ రేవంత్ అనే సంగతి తెలిసిందే.అయితే ప్రేక్షకుల ఓట్ల ప్రకారం రియల్ విన్నర్ శ్రీహాన్ కావడం గమనార్హం.
స్వయంగా నాగార్జున ఈ విషయాన్ని వెల్లడించడంతో ఈ విషయం నమ్మాల్సి వస్తోంది.రేవంత్ కంటే శ్రీహాన్ కే ఎక్కువ ఓట్లు వచ్చాయని నాగార్జున వెల్లడించారు.
బిగ్ బాస్ అభిమానుల ఆలోచనలకు భిన్నంగా ఓటింగ్ జరిగిందని నాగ్ చెప్పకనే చెప్పేశారు.
ఎక్కువ మొత్తం డబ్బులు తీసుకుని బిగ్ బాస్ హౌస్ నుంచి శ్రీహాన్ బయటకు రాకపోతే మాత్రం నాగార్జున బిగ్ బాస్ విజేతగా శ్రీహాన్ ను ప్రకటించేవారు.
గత సీజన్లలో కూడా ప్రేక్షకుల అంచనాలకు భిన్నంగా ఓటింగ్ జరిగిన సందర్భాలు ఉన్నాయి.బిగ్ బాస్ సీజన్3 సమయంలో అందరూ శ్రీముఖి విజేత అవుతారని భావిస్తే అందుకు భిన్నంగా రాహుల్ సిప్లిగంజ్ విజేతగా నిలిచారు.
శ్రీహాన్ బిగ్ బాస్6 రన్నర్ గా నిలిచినా ప్రేక్షకుల అభిమానాన్ని మాత్రం గెలుచుకున్నారు.
బిగ్ బాస్ హౌస్ లో సిరి ఏ తప్పులు చేసిందో ఆ తప్పులు శ్రీహాన్ చేయకపోవడం గమనార్హం.
మరోవైపు శ్రీహాన్ కు భారీ స్థాయిలో ఓట్లు రావడం వెనుక సిరి హస్తం ఉందని తెలుస్తోంది.సిరి హన్మంత్ ఎంతో కష్టపడి ఓట్లు వేయించడం వల్ల శ్రీహాన్ కు రేవంత్ కంటే ఎక్కువగా ఓట్లు రావడం సాధ్యమైంది.
మరోవైపు బిగ్ బాస్ షో వల్ల శ్రీహాన్ పాపులారిటీ ఊహించని స్థాయిలో పెరిగింది.
శ్రీహాన్ వరుస ఆఫర్లతో బిజీ కావాలని ఫ్యాన్స్ ఆకాంక్షిస్తున్నారు.మరోవైపు ఆదిరెడ్డి అభిమానులు మాత్రం పెయిడ్ బ్యాచ్ వల్ల ఆదిరెడ్డి విన్నర్ కాలేదని చెబుతున్నారు.కామన్ మ్యాన్ అయిన ఆదిరెడ్డి అక్కడివరకు రావడం కూడా గొప్పేనని మరి కొందరు కామెంట్లు చేస్తున్నారు.
భారీ మొత్తం ఆఫర్ వచ్చినా రిజెక్ట్ చేసిన కీర్తి భట్ ను నెటిజన్లు తెగ మెచ్చుకుంటున్నారు.
