కన్నడ చిత్ర పరిశ్రమ నుంచి తాజాగా ప్రేక్షకుల ముందుకు వచ్చిన చిత్రం కాంతార.ఈ సినిమా కన్నడ భాషలో అద్భుతమైన విజయాన్ని అందుకోవడంతో ఈ సినిమాని అన్ని భాషలలో డబ్ చేసి విడుదల చేశారు.
ఇలా వివిధ భాషలలో ప్రసారమైనటువంటి ఈ సినిమా అద్భుతమైన కలెక్షన్లను రాబట్టి బాక్సాఫీస్ వద్ద సరికొత్త రికార్డులను సృష్టించింది.చిన్న సినిమాగా విడుదలైన కాంతార భారీ విజయాన్ని అందుకుంది.
కన్నడ హీరో రిషబ్ శెట్టి ఆయన దర్శకత్వంలోనే ఈ సినిమాని ప్రేక్షకుల ముందుకు తీసుకువచ్చారు.ఈ సినిమా చూసినటువంటి ఎంతోమంది సినీ రాజకీయ ప్రముఖులు పెద్ద ఎత్తున ప్రశంసలు కురిపించారు.
ఇకపోతే తాజాగా కాంతార సినిమా గురించి ఈ సినిమాలో హీరోగా నటించిన రిషబ్ శెట్టి గురించి బాలీవుడ్ నటి జాన్వీ కపూర్ ఆసక్తికరమైన వ్యాఖ్యలు చేశారు.ఈ సందర్భంగా జాన్వి కపూర్ తన సోషల్ మీడియా ఖాతా ద్వారా రిషబ్ శెట్టి గురించి చేసినటువంటి ఈ వ్యాఖ్యలు ప్రస్తుతం వైరల్ అవుతున్నాయి.కాంతార సినిమా ఆద్యంతం తనని అద్భుతంగా ఆకట్టుకుందని రిషబ్ శెట్టి సర్ ఆసమ్ హ్యాట్సాఫ్ అంటూ ప్రశంసలు కురిపించారు.ఈ సినిమాలో మీ నటన గురించి ఎంత చెప్పినా తక్కువే అంటూ ఈ సందర్భంగా ఈమె రిషబ్ పై ప్రశంసలు కురిపిస్తూ చేసినటువంటి ఈ పోస్ట్ ప్రస్తుతం వైరల్ అవుతుంది.
