అదా శర్మ, వర్ష బొల్లమ్మ, శ్రీదివ్య, సమీర్, అశ్విన్‌ కుమార్, సత్యరాజ్, రుహానీ శర్మ, రోహిణి మొల్లేటి, శివ కందుకూరి పలువురు కీలక పాత్రల్లో నటించిన వెబ్ సిరీస్ మీట్ క్యూట్.టాలీవుడ్ హీరో నాచురల్ స్టార్ నాని సోదరి దీప్తి గంటా ఈ వెబ్ సిరీస్ కు కథ రాసి, దర్శకత్వం వహించారు.
వెబ్ సిరీస్ ని నాని సమర్పణలో ప్రశాంతి త్రిపిర్నేని నిర్మించారు.ఈ వెబ్ సిరీస్ ని ఐదు కథల ఆంథాలజీగా రూపొందించారు.
కాగా ఈ వెబ్ సిరీస్ ఈ నెల 25 నుంచి సోని లివ్‌లో స్ట్రీమింగ్‌ కానుంది.ఈ సందర్భంగా నాని మాట్లాడుతూ ఈ స్క్రిప్ట్ మొదట చాలా రోజులు చదవకుండా పక్కన పెట్టేసాను.
కానీ మా దీప్తి ఒత్తిడి చేసేసరికి చదవడం ప్రారంభించాను.అలా కొన్ని పేజీలు చదివేసరికి కథలో లీనమైపోయాను.ఈ స్క్రిప్ట్‌లోనే దీప్తి డైరెక్షన్‌ కనిపించింది అని చెప్పుకొచ్చారు హీరో నాని.అనంతరం దర్శకురాలు దీప్తి మాట్లాడుతూ నేను గతంలో ఒక షార్ట్ ఫిలిం చేశాను.
కానీ తాజాగా రూపొందించిన మీట్ క్యూట్ వెబ్ సిరీస్ కథను రాసి నానికి వినిపించాను.ఇలాంటివి ఇంకొక మూడు నాలుగు రాస్తే ఆంథాలాజీ చేయొచ్చని సలహా కూడా ఇచ్చాడు.
జర్నీల్లో, ఇతర సందర్భాల్లో అపరిచిత వ్యక్తుల మధ్య మాటలు ఎలా ఉంటాయి?.
అనే ఊహతో ఈ స్క్రిప్ట్ రాశాను.ఓ మంచి లవ్‌ స్టోరీ రాస్తే ఆ కథను నాని హీరోగా తెరకెక్కిస్తాను అని చెప్పుకొచ్చింది దీప్తి.ఇకపోతే హీరో నాని విషయానికి వస్తే ప్రస్తుతం నాని వరుస సినిమాలలో నటిస్తూ బిజీ బిజీగా ఉన్న విషయం తెలిసిందే.
నాని ఇటీవల శ్యామ్ సింగరాయ్, అంటే సుందరానికి లాంటి సినిమాలలో నటించి మెప్పించిన విషయం తెలిసిందే.అయితే ప్రస్తుతం నాని దసరా సినిమాలో నటిస్తూ బిజీ బిజీగా ఉన్నాడు.
ఇప్పటికే ఈ సినిమాకు సంబంధించిన షూటింగ్ దాదాపుగా సగం పూర్తి అయింది.ఈ సినిమా ఎప్పుడెప్పుడు విడుదల అవుతుందా అని నాని అభిమానులు ఎంతగానో ఎదురు చూస్తున్నారు.
తెలుగు వార్త విశేషాలు సులభముగా తెలుసుకోండి!!!!
