ఆంధ్రప్రదేశ్ రాష్ట్రంలో పొత్తుల విషయంలో వివిధ రాజకీయ పార్టీల నాయకులు కీలక వ్యాఖ్యలు చేస్తున్నారు.అధికారంలో ఉన్న వైసీపీని ఢీ కొట్టాలంటే పొత్తులు అవసరమని వ్యాఖ్యానిస్తున్నారు.
ఈ క్రమంలో తాజాగా బీజేపీ మాజీ ఎమ్మెల్యే విష్ణుకుమార్ రాజు కీలక వ్యాఖ్యలు చేయడం జరిగింది.వైసీపీ నీ ఢీకొనాలంటే.
జనసేన-బీజేపీ-టీడీపీ కలవాలని కోరుతున్నారు.రాష్ట్ర ప్రజానీకం ఇదే కోరుకుంటున్నట్లు స్పష్టం చేశారు.
ఇదే సమయంలో ఏపీ బీజేపీ కో కన్వీనర్ సునీల్ దియోధర్ పై సంచలన వ్యాఖ్యలు చేశారు.ప్రజల అభిప్రాయాలను పరిగణలోకి తీసుకోవాలని సూచించారు.అవసరమైతే సొంత ఏజెండాను పక్కన పెట్టాలి అని అన్నారు.కేంద్ర పార్టీ పొత్తుల గురించి ఆలోచిస్తుంది అని స్పష్టం చేశారు.
ఇదిలా ఉంటే ఇటీవల సునీల్ దియోధర్ తెలుగుదేశం పార్టీతో బీజేపీ పొత్తు పెట్టుకోదని సంచలన వ్యాఖ్యలు చేయడం జరిగింది.ఈ క్రమంలో తాజాగా అదే పార్టీకి చెందిన విష్ణుకుమార్ రాజు టీడీపీతో పొత్తు పెట్టుకుంటే బాగుంటుందని ప్రజలు కోరుకుంటున్నట్లు వ్యాఖ్యలు చేయడం ఏపీ రాజకీయాల్లో సంచలనంగా మారింది.
