వైష్ణవ్ తేజ్, కేతిక శర్మ హీరోహీరోయిన్లుగా నటించిన రంగ రంగ వైభవంగా సినిమా నేడు థియేటర్లలో విడుదలైంది.క్లాస్ ప్రేక్షకులను దృష్టిలో ఉంచుకుని తెరకెక్కించిన ఈ సినిమాకు ప్రేక్షకుల నుంచి మిక్స్డ్ టాక్ వస్తోంది.
గిరీశయ్య డైరెక్షన్ లో తెరకెక్కిన ఈ సినిమా అన్ని వర్గాల ప్రేక్షకులను ఆకట్టుకోవడం కష్టమేనని కామెంట్లు వ్యక్తమవుతున్నాయి.రొటీన్ కథతోనే ఈ సినిమా తెరకెక్కిందని నెటిజన్ల నుంచి వినిపిస్తోంది.
అయితే సినిమాలో ఫస్టాఫ్ బాగానే ఉందని సెకండాఫ్ మాత్రం ప్రేక్షకులు ఆశించిన స్థాయిలో లేదని బోగట్టా.తొలి సినిమా ఉప్పెనతో భారీ బ్లాక్ బస్టర్ హిట్ ను సొంతం చేసుకున్న వైష్ణవ్ తేజ్ తర్వాత సినిమాలతో ఆ మ్యాజిక్ ను రిపీట్ చేయడంలో ఫెయిల్ అవుతున్నారని కామెంట్లు వ్యక్తమవుతున్నాయి.
ఒకరిపై ఒకరికి ప్రేమ ఉన్నా ఒకరితో ఒకరు మాట్లాడుకోకుండా ఉండే రిషి, రాధ పాత్రలలో వైష్ణవ్, కేతిక నటించారు.
సినిమాలో మొదట హీరోహీరోయిన్ల మధ్య గొడవలు జరగగా కొన్ని కారణాల వల్ల వీళ్లిద్దరి కుటుంబాల మధ్య కూడా గొడవలు చోటు చేసుకుంటాయి.
హీరోహీరోయిన్లు తమ కుటుంబాల మధ్య విభేదాలను తొలగించుకోవడంతో పాటు ప్రేమలో విజయం సాధించడానికి ఏం చేశారనే కథాంశంతో ఈ సినిమా తెరకెక్కింది.సినిమాలో కొన్ని కామెడీ సీన్లు బాగానే ఉన్నా మరికొన్ని సన్నివేశాలు మాత్రం ఆకట్టుకునే విధంగా లేవని కామెంట్లు వ్యక్తమవుతున్నాయి.
పాటలు, వైష్ణవ్ కేతిక పాత్రల మధ్య వచ్చే సన్నివేశాలు, కొన్ని కామెడీ సీన్స్ ఈ సినిమాకు ప్లస్ కాగా సెకండాఫ్ లో ప్రేక్షకుల సహనాన్ని పరీక్షించే రొటీన్ ఫ్యామిలీ డ్రామా సన్నివేశాలు, క్లైమాక్స్ ఈ సినిమాకు మైనస్ అయ్యాయి.ఫ్యామిలీ ఆడియన్స్ కు ఈ సినిమా నచ్చే ఛాన్స్ అయితే ఉందని వైష్ణవ్ తేజ్ ఖాతాలో యావరేజ్ మూవీ అని నెటిజన్ల నుంచి కామెంట్లు వినిపిస్తూ ఉండటం గమనార్హం.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
