క్రూరమైన జంతువులలో మొసలి అత్యంత ప్రమాదకారిగా పేరు తెచ్చుకుంది.దీని బలమైన పళ్లు, దృఢమైన దవడలు దేన్నైనా చీల్చి చెండాడుతాయి.
చాలా దూకుడుగా ఉండే ఈ మాంసాహార జీవులు మనుషులపై కూడా దాడి చేస్తాయి.క్షణ కాలంలోనే చేతులు, కాళ్లు కొరికేసి ఇవి తినగలవు.
అందుకే వీటిని చూస్తేనే వెన్నెముకలో వణుకు పుడుతుంది.ఆ పదునైన దంతాలు, భారీ దవడలు, భయంకరమైన చూపులు ఫేస్ టు ఫేస్ చూస్తే గుండె ఆగిపోతుంది.
అలాంటిది అది మన వెనకే అత్యంత వేగంగా పరిగెడుతూ వస్తుందని తెలిస్తే ఇక ప్రాణాలు గాల్లో కలిసిపోతాయి కదూ.
కాగా ఇటీవల ఒక భారీ మొసలి ఒక వ్యక్తి వెనక చాలా వేగంగా పరుగెత్తింది.అతడిని అందుకుని కరకరా నమిలి మింగేయాలని అనుకుంది.దీనికి సంబంధించిన వీడియోని ట్విట్టర్లో ఇండియన్ ఫారెస్ట్ సర్వీస్ అధికారి సుశాంత నంద షేర్ చేశారు.ఇది కాస్త ఇప్పుడు వైరల్ గా మారింది.
వైరల్ అవుతున్న వీడియో క్లిప్లో ఒక ఎన్క్లోజర్లో ఒక వ్యక్తి, ఒక భారీ మొసలి ఉన్నట్లు గమనించవచ్చు.
ఈ మొసలి చాలా వేగంగా అతడిని పట్టుకోవడానికి నోరు తెరిచి తీసుకొచ్చింది.మృగం దాని గోళ్లపై నిలబడి మరీ ఎదుర్కొంటూ వచ్చింది.ఒక కుక్క లాగా అది పరిగెత్తింది.“మొసలి ఇంత వేగంగా దూసుకుపోవడాన్ని నేను ఎప్పుడూ చూడలేదు” అని సుశాంత నంద క్యాప్షన్ జోడించారు.
ఇది ఒక క్యూబన్ క్రొకోడిల్ అని, కొంత దూరం వరకు ఇవి చాలా వేగంగా పరిగెత్తగలవని నెటిజన్లు కామెంట్ చేస్తున్నారు.బహుశా ఈ మొసలి ఆ యువకుడిపై పగ పట్టిందేమో.అందుకే అది అలా వేగంగా పరిగెడుతుందని ఇంకొక నెటిజన్ అన్నారు.ఈ భయంకరమైన వీడియో పైన మీరు కూడా ఒక లుక్కేయండి.
