అక్కినేని నాగార్జున ప్రస్తుతం వరుస సినిమాలతో ఎంతో బిజీగా ఉన్నారు.తాజాగా వైల్డ్ డాగ్ సినిమాతో ప్రేక్షకుల ముందుకు వచ్చిన ఈయన ప్రస్తుతం ప్రవీణ్ సత్తార్ దర్శకత్వంలో ది ఘోస్ట్ అనే సినిమాలో నటిస్తున్నారు.
ఈ సినిమాలో నాగార్జున ఏజెంట్ పాత్రలో సందడి చేయనున్నారు.ఇకపోతే ఇప్పటికే ఈ సినిమా షూటింగ్ పనులను పూర్తి చేసుకుంది.
ఈ సినిమాని దసరా కానుకగా విడుదల చేయాలన్న ఉద్దేశంతో చిత్రబృందం ప్రమోషన్ కార్యక్రమాలను మొదలుపెట్టారు.
ఈ ప్రమోషన్ కార్యక్రమాలలో భాగంగా తమ హగనే అంటూ త్వరలోనే ప్రోమో విడుదల చేయబోతున్నామని తెలియడంతో అందరూ తమ హగనే అంటే అర్థం ఏంటి అంటూ ఆలోచనలో పడ్డారు.
అయితే తాజాగా ఈ సినిమా నుంచి ఇదే పేరుతో రెండు నిమిషాల నిడివి గల ఒక ప్రోమో విడుదల చేశారు.ఈ ఒక్క ప్రోమోతో సినిమాపై భారీ అంచనాలు పెరిగిపోయాయని చెప్పాలి.
ఈ ప్రోమోలో భాగంగా అండర్ వరల్డ్ మొత్తం తనపైకి దాడి చేయడానికి రాగా నాగార్జున ఆ దాడిని ఎలా ఎదుర్కొన్నారు అనే విషయాన్ని ఎంతో అద్భుతంగా చూపించారు.
క్రమంలోనే తమ హగనే అంటే అర్థం ఏంటో కూడా వివరించారు.తమ హగనే అంటే విలువైన ఉక్కు అంటూ నాగార్జున ఆ విలువైన ఉక్కుతో ఒక కత్తిని తయారు చేసుకొని దానితో అండర్ వరల్డ్ మాఫియాను ఎలా ఎదుర్కొన్నారు అనే విషయాన్ని చూపించారు.ఈ సినిమా నుంచి విడుదల చేసిన ఈ ప్రోమో ప్రస్తుతం సోషల్ మీడియాలో వైరల్ అవ్వడమే కాకుండా సినిమాపై భారీ అంచనాలను పెంచాయి.
