సినిమా టికెట్ రేట్లను నిర్దారిస్తూ జీవో నెంబర్ 13ను గత నెలలో జారీ చేశాం.సినిమా హీరో, హీరోయిన్, దర్శకుడు రెమ్యునరేషన్ కాకుండా రూ.100 కోట్లు బడ్జెట్ దాటిన సినిమాలకు 10 రోజుల పాటు ప్రత్యేక టికెట్ నిర్దారించుకునేలా ఆదేశాలు ఇచ్చాం.రాజమౌళి దర్శకత్వంలో వచ్చిన RRR సినిమా దరఖాస్తు వచ్చింది.రూ.336 కోట్లతో సినిమా నిర్మించినట్టు వెల్లడించారు.దానికి అనుగుణంగా పరిశీలించి జీఎస్టీ చెల్లించిన తర్వాత ప్రత్యేక టిక్కెట్ రేట్లకు అనుమతి ఇస్తాం.జీవో జారీ కంటే ముందే ఆర్ ఆర్ ఆర్ సినిమా నిర్మించారు.
ఈ కారణంగా 20 శాతం షూటింగ్ రాష్ట్రంలో చేసి ఉండాలన్న నిబంధన ఈ సినిమాకు వర్తించదు.కొత్తగా నిర్మించే సినిమాలకు ఈ నిబంధనలు వర్తిస్తాయి.అన్ని సినిమాలు ఐదు షోలు రన్ చేసుకోవచ్చు.ఉదయం 6 గంటల నుంచి రాత్రి 12 గంటల మధ్యన ఐదు షోలు వేసుకోవచ్చు.
అయితే చిన్న సినిమాలు విడుదలైతే.కంపల్సరీగా ఆ సినిమాకు ఓ షో వేసుకునే వీలు కల్పించాలి.
