మన దేశంలో ఒకసారి వివాహం చేసుకోవడం సంప్రదాయం.అంటే ఒకే భార్యను కలిగి ఉండ‌టం అని అర్థం.
అయితే ఇప్పుడు మనం తెలుసుకోబోతున్న‌ది.ఇద్దరు భార్యలను కలిగి ఉండే సంప్రదాయం క‌లిగిన ప్రదేశం గురించి.
ఈ సంప్రదాయం మరే దేశంలోనే కాదు.మన దేశంలో.
అదే.భారతదేశంలోని రాజస్థాన్‌లో.వాస్తవానికి రాజస్థాన్‌లోని జైసల్మేర్‌లో ఒక గ్రామం ఉంది.ఇక్కడ ప్రతి కుటుంబంలో ప్రతి వ్యక్తికి ఒకరు కాదు ఇద్దరు భార్యలు ఉంటారు.ఇది విన‌గానే మీకు వింతగా అనిపించవచ్చు, కానీ ఇది నిజం.ఎందుకంటే జైసల్మేర్‌లోని రామ్‌దేయో గ్రామంలో ప్రతి వ్యక్తి ఈ ఆచారం పాటిస్తున్నాడు.
అంటే ఇక్కడున్న ప్రతి వ్యక్తి రెండు పెళ్లిళ్లు చేసుకుంటాడు.అయితే ఈ గ్రామంలో ఎవరి మొదటి భార్య కూడా గర్భం దాల్చదని చెబుతారు.
గర్భం దాల్చినా కూతురుగానే పుడుతుంద‌ట.అందుకే ఈ గ్రామంలో ఆడపిల్లల సంఖ్య పెరుగుతుంద‌నే భయం కారణంగా, రెండవ భార్య ఒక కొడుకుకు జన్మనిస్తుంది కాబట్టి ఇక్క‌డి పురుషులు మళ్లీ పెళ్లి చేసుకుంటారు.
రెండో భార్యకు కొడుకు మాత్రమే పుడతాడు అని ఇక్క‌డివారు నమ్ముతారు.అయితే కొత్త తరం ఈ సంప్రదాయాన్ని అంతగా నమ్మడం లేదు.
అయితే నేటీకీ ఆ గ్రామంలోని పాత తరంలో ఇటువంటి ఆచారాలు కనిపిస్తున్నాయి.కాలం మారింది.
ఒక దేశం నుంచి మరో దేశానికి వేగంగా చేరుకుంటున్నారు.దేశం చంద్రుడి దాటి అంగారక గ్రహాన్ని చేరుకుంటున్న వేళ, ఇలాంటి నిరాధారమైన నమ్మకాలు ఇప్పటికీ దేశంలో కొనసాగుతున్నాయి.
జైసల్మేర్ జిల్లాలోని ఈగ్రామ పంచాయితీలో దాదాపు తొమ్మిదిన్నర వందల మంది ప్రజలు నివసిస్తున్నారు.ఈ గ్రామంలోని దాదాపు సగం ఇళ్లలో పురుషులు రెండు పెళ్లిళ్లు చేసుకుని ఇద్దరు భార్యలతో నివసిస్తున్నారు.
మొదటి భార్య గర్భం దాల్చకపోవడం లేదా ఆడపిల్లలకు జన్మనివ్వడం వల్ల అతను మళ్లీ పెళ్లి చేసుకోవడం తప్ప మరో మార్గం లేదని చాలా మంది వాదిస్తుంటారు.అయితే ఈ ధోరణి ఎక్కువగా పాత తరానికి మాత్రమే పరిమితమైంది.
కొత్త తరం ఇప్పుడు ఈ విషయాలను చాలా త‌క్కువ‌గా నమ్ముతోంది.
